اننت کمار ہیگڈے کی غنڈہ گردی کی مذمت؛ حکومت رپورٹ ملنے پر کارروائی کرے گی

Source: S.O. News Service | By I.G. Bhatkali | Published on 11th January 2017, 4:41 AM | ریاستی خبریں |

بنگلورو۔10/جنوری(ایس او نیوز) ریاستی وزیر صحت رمیش کمار نے شمالی کینرا کے رکن پارلیمان اننت کمار ہیگڈے کی طرف سے سرسی کے ایک نجی اسپتال میں ڈاکٹروں پر حملے کا سخت نوٹس لیا ہے اور کہاہے کہ اس طرح کی غنڈہ گردی پر کوئی خاموش نہیں رہ سکتا، بلکہ متعلقہ رکن پارلیمان کے خلاف کارروائی کی جائے گی۔

اخباری نمائندوں سے بات چیت کرتے ہوئے انہوں نے کہاکہ ڈاکٹروں پر حملہ غیر انسانی حرکت ہے۔ یہ ڈاکٹر محکمہ صحت وخاندانی بہبود سے وابستہ ہیں اس سلسلے میں انہوں نے ڈپٹی کمشنر سے رپورٹ طلب کی ہے، رپورٹ ملنے کے بعد مناسب کارروائی کی جائے گی۔ اسی طرح انہوں نے بلگام میں بی جے پی رکن اسمبلی راجو کاگے کی طرف سے کانگریس کارکن پر مبینہ حملہ پر تبصرہ کرتے ہوئے کہاکہ یہ حرکت بھی درست نہیں ہے، رکن اسمبلی ہو یا رکن پارلیمان اور ان کا تعلق چاہے کسی بھی سیاسی جماعت سے ہو ان کی طرف سے اگر غلطی ہوئی ہے تو انہیں سزا ملنی ہی چاہئے۔

ریاستی حکومت کی طرف سے سرکاری بورڈز اور کارپوریشنوں کے چیرمینوں کو ملنے والے گھریلو کرایہ الاؤنس میں بے تحاشہ اضافہ کی بھی رمیش کمار نے سخت مذمت کی اور کہاکہ ایسے وقت میں جب ریاست مالی مشکلات سے دوچار ہے، یہ قدم اٹھانا مناسب نہیں۔ رکن پارلیمان اننت کمار ہیگڈے کے ڈاکٹروں پر حملے کی وزیر صنعت آر وی دیش پانڈے نے بھی سخت الفاظ میں مذمت کی اور کہاکہ اس طرح کے حملے اور خاص طور پراراکین پارلیمان اگر کرنے لگیں تو یہ سمجھ لینا چاہئے کہ ملک کی جمہوریت خطرہ میں ہے۔ انہوں نے کہاکہ اس معاملے میں متاثرین کو مکمل قانونی امداد فراہم کرنے کی سخت ہدایت دی جاچکی ہے۔رکن اسمبلی راجو کاگے کی طرف سے ایک کانگریس کارکن پر حملہ کے متعلق ایک سوال پر وہاں موجود وزیر داخلہ جی پرمیشور نے سخت مذمت کی اور کہاکہ اس سلسلے میں پولیس اپنا کام کرے گی۔
 

ایک نظر اس پر بھی

کرناٹک کی کانگریس حکومت پر نشانہ لگانے پر سدرامیا نے کیا پلٹ وار؛ کہا مودی میں وزیراعظم بننے کی صلاحیت ہی نہیں

کرناٹک کی کانگریس حکومت پر نشانہ سادھنے پر پلٹ وار کرتے ہوئے ریاست کے وزیر اعلیٰ سدرامیا نے وزیراعظم نریندر مودی کو جھوٹ کا پلندہ   قرار دیتے ہوئے    کہا  کہ نریندر مودی   میں وزیراعظم بننے کی صلاحیت ہی نہیں ہے

کانگریس لیڈر کی بی بی ایم پی دفتر کو آگ لگادینے کی دھمکی؛سی سی ٹی وی میں قیدہوا پورا منظر؛ سدارامیا نے دکھایا پارٹی سے باہر کا راستہ

کانگریس لیڈر نارائن سوامی کے  بی بی ایم پی دفتر میں گھس کر پٹرول چھڑکنے اوردفتر کو آگ لگادینے کی دھمکی کی وڈیو نیوز چینلوں میں نشر ہونے کے بعد فوری حرکت کرتے ہوئے سدرامیا نے نارائن سوامی کو   کانگریس پارٹی سے باہر کا راستہ دکھادیا ہے۔

این اے حارث نے فرزند کی حرکت پر اسمبلی میں کی معذرت خواہی

رکن اسمبلی این اے حارث کے فرزند نلپاڈ محمد کی طرف سے کل پیر کو ایک طالب العلم کو زودوکوب کرنے کا معاملہ سامنے آنے کے بعد آج این اے حارث نے ریاستی اسمبلی میں معذرت طلب کی اور کہا کہ ان کے بیٹے کی حرکت کی وجہ سے  اُنہیں جس طرح ندامت اُٹھانی پڑی، وہ وقت کسی باپ پر نہ آئے۔