ممبئی کی بھارت پٹرولیم ریفائنری میں آتشزدگی، 45 افراد زخمی

Source: S.O. News Service | By Shahid Mukhtesar | Published on 10th August 2018, 12:38 AM | ملکی خبریں |

ممبئی،9؍اگست (ایس او نیوز؍آئی این ایس انڈیا) ہندوستان پٹرولیم کی ریفائنری میں آتشزدگی کے حادثہ میں 45 افراد کے زخمی ہو جانے کی اطلاع ہے۔ افسران کے مطابق چمبور کے مہول علاقہ میں واقع پلانٹ میں آگ سہ پہر 3 بجے لگی۔ بی ایم سی کے ایک افسر نے بتایا کہ آگ پر قابو پانے کے لئے نو فائر ٹنڈرس، دوفوم ٹنڈرس اور دو جمبو ٹینکرس کی خدمات حاصل کی گئیں جبکہ ریفائنری کا خانگی آتش فرو عملہ بھی آگ بجھانے میں مصروف دکھائی دیا۔ تمام 45 زخمی افراد کو قریب میں واقع سیول اسپتال میں داخل کیا گیا ہے۔

وا ضح رہے کہ آگ لگنے سے قبل ریفائنری کی عمارت میں ایک زور دار دھماکہ بھی ہوا تھا جس سے آس پاس کی عمارتیں بھی ہل گئیں جبکہ کمپنی کے بیان کے مطابق آگ ہائیڈرو کریکر پلانٹ کے کمپریشر شیڈ میں لگی۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔