کانگریس کارکن پر حملے کے بعد بی جے پی رکن اسمبلی فرار،مفرور ایم ایل اے کے مقام کے بارے میں پولیس کو سراغ حاصل

Source: S.O. News Service | By Shahid Mukhtesar | Published on 12th January 2017, 10:57 AM | ریاستی خبریں |

بلگاوی 11جنوری (ایس او نیوز ) بیلگاوی کے سپرنٹنڈنٹ پولیس روی کانتے گوڑا نے کہا ہے کہ پولیس کے پاس بی جے پی کے رکن اسمبلی راجو کاگے کے مقام کے بارے میں سراغ ہے جو کانگریس کے کارکن پر حملے کے الزام کا سامنا کرنے کے بعد سے فرار ہیں۔ کگواڑ کے رکن اسمبلی کے ارکان خاندان اور حامیوں نے سوشیل میڈیا پر رکن اسمبلی کی دختر کی تصویر پوسٹ کرنے پر یکم جنوری کو کانگریس کارکن ویویک شیٹی کی بری طرح پٹائی کردی تھی۔ گوڑا نے آج میڈیا سے بات کرتے ہوئے کہا کہ اس واقعہ کے بعد رکن اسمبلی کا مکمل خاندان اور حامی لاپتہ ہیں۔پولیس کے پاس ان کے چھپے ہونے کے مقام کا سراغ ہے اور انہیں جلد گرفتار کرلیا جائے گا۔ 13ملزمین بشمول کاگے اور ان کے خاندان کے قریبی ارکان کا پتہ چلانے کے لئے 4ٹیمیں تشکیل دی گئی ہیں۔اس واقعہ کو پولیس کے علم میں نہیں لایاگیا تاہم میڈیا رپورٹس پر پولیس نے کارروائی کرتے ہوئے سب انسپکٹر کو میراج مقام پر بھیجا اور 9جنوری کو متاثرہ ویویک شیٹی سے ایف آئی آر حاصل کی ۔ ملزمین کے خلاف تعزیرات ہند کی دفعہ 307اور دیگر دفعات کے تحت معاملات درج کرلئے گئے ہیں۔ اس کے بعد پولیس نے منگل کی دوپہر ملزمین کے مکانات کی تلاشی لی اور ایک کار ضبط کی۔ تاحال کسی کا بھی پتہ نہیں چلا ہے ۔پولیس نے کہا کہ لااینڈآرڈر سے بڑھ کر کوئی نہیں ہے ۔ جلد ہی ملزمین کے خلاف یقینی طور پر کارراوئی کی جائے گی۔ پولیس نے تلاشی مہم شروع کردی ہے اور ملزمین کی جلد گرفتاری کا انہیں یقین ہے ۔

ایک نظر اس پر بھی

بی جے پی کمیونسٹوں کو سبق سکھانا جانتی ہے؛ کیرالہ میں ایم پی نلین کمار کٹیل کا خطاب

کچھ دنوں پہلے منگلورو میں احتجاجی مظاہرے کے دوران ہندتوا کارکن کے قتل میں ملوث ملزموں کو گرفتار نہ کئے جانے کی صورت میں جنوبی کینر ضلع کو آگ لگادینے جیسا متنازعہ اوربھڑکاؤ بھاشن دے کر سرخیوں میں رہنے والے رکن پارلیمان نلین کمار کٹیل نے اب کیرالہ میں ایک میٹنگ کے دوران ...

یوٹی قادر کو چامراج نگر کا ضلع انچارج بنایا گیا

ریاستی وزیر اعلیٰ سدرامیا کی طرف سے جاری کیے گئے حکم کے مطابق فوڈ اینڈ سول سپلائی منسٹر جناب یو ٹی قادر کو اب چامراج نگر کا ضلع انچارج وزیر بنایا گیا ہے۔ خیال رہے کہ اس سے پہلے مسٹر قادر کولار ضلع کے انچارج وزیر کی خدمات انجام دے چکے ہیں۔

چنتامنی میں غٖیر قانونی رسوئی گیس فروخت:ایک گرفتار

حال ہی میں شہر کے مضافات میں واقع نائن ہلی کے قریب ایچ پی گیس ایجنسی کے گودام میں پیش آئے رسوئی گیس سلنڈر حادثہ کے بعد تعلقہ بھر میں غیر قانونی رسوئی گیس فروخت کرنے والوں کا پتہ لگانے کیلئے چکبالاپور ضلع سپر ٹنڈنٹ آف پولیس چائترا ڈی وائی ایس پی کرشنامورتی کے زیر نگرانی میں ...

چنتامنی: اساتذہ کے مسائل حل کرانے کیلئے ہمہ وقت تیار ہوں:ر ایل رام کرشناریڈی

ریاست کے اساتذہ کے مختلف مسائل ہے ان مسائل کو حل کرانے میں حکومتیں ناکام ہے حکومتیں اعلیٰ اورعمدہ تعلیم کا نعرہ ضرور دے رہے ہیں لیکن ان نعروں سے اساتذہ کے بنیادی مسائل کا حل ممکن نہیں ہوگا عمدہ تعلیم صرف کے نعرے کی حد تک محدو رہ جائیگی یہ بات آزاد امیدوار را یل رام کرشناریڈی نے ...

قومی سیاسی جماعتوں سے ملک مشکل میں: مانک سرکار

ملک کی 58 فیصد دولت پر محض ایک فیصد طبقہ قابض ہے۔ اس سے ملک میں معاشی مساوات کے قیام کا تصور کبھی مکمل نہیں ہوسکے گا۔ یہ بات آج منی پور کے وزیراعلیٰ مانک سرکار نے کہی۔ پریس کلب کے احاطہ میں منعقدہ پریس سے ملئے پروگرام سے خطاب کرتے ہوئے انہوں نے کہاکہ ملک میں آج بھی 70 سے زائد فیصد ...

سائنس وٹیکنالوجی کے فروغ پر حکومت مکمل متوجہ: سدرامیا

ریاستی حکومت شعبہئ تعلیم وسائنس کو زیادہ سے زیادہ آگے بڑھانے اور فنڈز مہیا کرنے کیلئے ہمہ وقت تیار ہے۔ خاص طور پر سائنس کے شعبے میں تعلیم حاصل کرنے والے طلبا کی حوصلہ افزائی کرنے تیار ہے۔ یہ بات آج وزیر اعلیٰ سدرامیا نے کہی۔ جواہر لال نہرو پلانیٹوریم میں 12.5 کروڑ روپیوں کی لاگت ...