شیوساگر (آسام)،06؍ ستمبر (ایس او نیوز؍آئی این ایس انڈیا) آسام کے شیوساگر ضلع میں ہفتہ کی رات ایک گاڑی حادثے کا شکار ہو کر دریا میں گر گئی تھی۔ اس گاڑی میں ایک ہی خاندان کے پانچ افراد سوار تھے۔ جن کی تلاش مسلسل کی جا رہی تھی۔بدھ کی صبح تلاش مکمل ہو گئی۔ گاڑی کے ساتھ اس میں سوار پانچوں افراد کی لاشیں برآمد ہوئیں۔ جائے حادثہ سے دس میٹر دور ہی 25 فٹ پر برآمد ہوئی۔ پہلے چمبک سے ایک تاثر ملا۔ لاش سڑنے کی بو سے دریا میں اترے غوطہ خوروں نے پہلے گاڑی کا بمپر برآمد کیا، پھر مکمل گاڑی ملی۔ گاڑی میں ہی خاندان کے تمام اراکین مردہ پڑے تھے۔این ڈی آر ایف، ایس ڈی آر ایف بٹالین کے ساتھ ہی تلاشی میں آرمی کے سول ڈیفنس کے کمانڈو بھی اتار دیے گئے تھے۔ فوج کی پیرا کمانڈو کے جوانوں کو تلاشی مہم میں پیر کی دوپہر سے لگا دیا گیا تھا۔بھارتی فوج کے آٹھ غوطہ خورپورے انتظام کے ساتھ اس کام میں منگل کی صبح سے لگے تھے۔بھارتی فوج کے یہ نوجوان خصوصی طیارے سے آکر اس کام میں لگے تھے۔ منگل کو سونار سکین کا بھی استعمال کیا گیا تھا۔وزیر اعلیٰ سروانند سونووال نے وزیر اعظم دفتر اور وزارت داخلہ کے عہدیداروں کے ساتھ اس تلاشی مہم کے بارے میں بات چیت کی تھی۔ انہوں نے حالات کے بارے میں سے وزیر اعظم کے دفتر اور وزارت داخلہ کو آگاہ کیا تھا۔ وزیر اعلیٰ سونووال نے اس موضوع میں نیشنل ڈزاسٹر مینجمنٹ اتھارٹی (این ڈی ایم اے) اور مرکزی دفاعی وزارت سے بحریہ کی مدد کے لئے بات کی تھی۔واضح رہے کہ ان لینڈ واٹر ٹرانسپورٹ ڈپارٹمنٹ کی دو کشتیاں یہاں مستقل طور پر تعینات کر دی گئی تھیں۔ تلاشی مہم میں لگے ہندوستانی فوج کے پیرا کمانڈو فورس، این ڈی آر ایف اور ایس ڈی آر ایف کے جوانوں کا کہنا تھا کہ دریا کے اندر بہت زیادہ کرنٹ اور کیچڑ ہونے کی وجہ سے کچھ نظر نہیں آنے کی وجہ سے مہم میں اب تک کامیابی نہیں مل سکی تھی۔کئی مقامات پر 40 فٹ گہرائی تک غوطہ خوردریا میں جا رہے تھے۔ اس کام میں این ڈی آر ایف کی تین ٹیمیں، ایس ڈی آر ایف کی چھ ٹیموں کے ساتھ ہی ہندوستانی فوج کی پیرا کمانڈو فورس کی ایک ٹیم بھی لگی ہوئی تھی۔ کل 32 غوطہ خور ایک ساتھ پانی میں اتر کر تلاش کر رہے تھے۔مجموعی طور پر ریسکیو ٹیم کے 100 اہلکار اس مہم میں مصروف تھے۔ جن میں سے این ڈی آر ایف کے 44 سول ڈیفنس پیرا کمانڈو کے 05 اور باقی ایس ڈی آر ایف کے جوان تھے۔