ریلوے بورڈ کے نئے چیئرمین بنے اشونی لوہانی، اے کے متل کی لیں گے جگہ
نئی دہلی،23اگست(ایس او نیوز؍آئی این ایس انڈیا)منگل کی رات کیفیات ایکسپریس کے گر کر تباہ ہونے کے بعد ریلوے بورڈ کے چیئرمین اے کے متل نے اپنے عہدے سے استعفی دے دیا ہے۔اشون لوہانی کو ان کی جگہ بورڈ کا نیا چیئرمین بنا دیا گیا ہے۔فی الحال لوہانی ایئر انڈیا کے سی ڈی ڈی ہیں۔اس کے علاوہ وہ آئی ٹی ڈی ڈی کے چیئرمین بھی ہیں۔لوہانی نے دہلی میں ایک ریلوے میوزیم ڈائریکٹرکے طور پر بھی کام کیا ہے۔اشوینی لوہانی نے 4انجینئرنگ ڈگریاں حاصل کی ہیں۔ان میں مکینیکل انجینئرنگ، الیکٹریکل انجینئرنگ، میٹرنجیکلیکل انجینئرنگ، الیکٹرانکس اور ٹیلی کمیونیکیشن انجینئرنگ شامل ہیں،وہ مدھیہ پردیش سیاحت ڈویلپمنٹ کارپوریشن کے کمشنر اور منیجرنگ ڈائریکٹر بھی رہے ہیں۔
بتا دیں کہ اعظم گڑھ سے دہلی آ رہی 12225 (اپ)کیفیات ایکسپریس اوریا کے پاس گر گئی۔بار بار حادثوں کے شکار ہو رہی ریلوے کے بورڈ سے چیئرمین اے کے متل کا استعفی انہیں وجوہات سے جوڑ کر دیکھا جا رہا ہے،تاہم متل نے لکھا ہے کہ انہوں نے ذاتی وجوہات سے استعفی دیا ہے۔ بتادیں کہ ان کو دو سالہ ایکسٹینش دیا گیا تھا اور ان کی مدت کا صرف ایک سال باقی ہے۔