ایڈیلیڈ میں آسٹریلیا 120رنز سے فاتح، ایشز سیریز میں دو صفر کی برتری

Source: S.O. News Service | By Shahid Mukhtesar | Published on 7th December 2017, 12:34 AM | اسپورٹس |

ایڈیلیڈ، 06؍دسمبر (ایس او نیوز؍آئی این ایس انڈیا)دوسری اننگز میں جیت کے لیے انگلینڈ کو 354رنز کا ہدف درکار تھا تاہم جو روٹ کی ٹیم صرف 233رنز بنا کر آؤٹ ہوگئی۔ آسٹریلیا کی جانب سے مچل اسٹارک نے پانچ، ہیزل وڈ اور لیون نے دو دو جبکہ پال کمنگز نے ایک وکٹ حاصل کی۔میچ کے بہترین کھلاڑی آسٹریلیا کے بائیں ہاتھ کے بلے باز شون مارش رہے جنہوں نے پہلی اننگز میں 126رنز کی ناقابلِ شکست اننگز کھیلی۔دوسری اننگز میں انگلینڈ کے کامیاب ترین بلے باز کپتان جو روٹ ہی تھے جنہوں نے 67رنز بنائے۔ ان کے علاوہ انگلینڈ کا کوئی بلے باز بھی نصف سنچری تک نہیں پہنچ سکا۔میچ کے پانچویں روز انگلینڈ نے جب بیٹنگ شروع کی تو انہیں اپنی دوسری اننگز کے 354رنز کا ہدف حاصل کرنے کے لیے مزید 178رنز درکار تھے اور ان کی چھ وکٹیں باقی تھیں۔ کریز پر جو روٹ 67رنز جبکہ کرس ووکس پانچ رنز پر موجود تھے۔آسٹریلیا کو ایشز حاصل کرنے کے لیے اب تیسرا ٹیسٹ جیتنا ہے جو کہ 14 دسمبر سے پرتھ میں شروع ہو رہا ہے۔واضح رہے کہ انگلینڈ نے پرتھ میں 1978 کے بعد سے اب تک کوئی ٹیسٹ میچ نہیں جیتا ہے۔ اس کے علاوہ انگلینڈ کی آسٹریلیا میں حالیہ کارکردگی بھی کچھ اچھی نہیں رہی ہے اور انہوں نے سات متواتر ٹیسٹ میچ ہارے ہیں۔ یاد رہے کہ اس وقت ایشز کا اعزاز انگلینڈ کے پاس ہی ہے اور انہیں اسے برقرار رکھنے کے لیے سیریز برابر ہی کرنی ہوگی۔

ایک نظر اس پر بھی

ہار مان چکے تھے محمد حفیظ ... لیکن شعیب اختر کے ایک فون کال نے بدل دی زندگی

آسٹریلیا کے خلاف دبئی ٹیسٹ میں شاندار سنچری لگانے والے محمد حفیظ کے بارے میں ایک سنسنی خیز انکشاف ہوا ہے ۔ خبر یہ ہے کہ محمد حفیظ نے پاکستان کی ٹیم میں سلیکشن نہ ہونے کی وجہ سے ریٹائرمنٹ لینے کا فیصلہ کرلیا تھا ، لیکن سابق تیز گیند باز شعیب اختر نے انہیں فون کرکے یہ بڑی غلطی ...

سہواگ کے بعد کسی اور اوپنر کو جارحانہ انداز سے بیٹنگ کرتے نہیں دیکھا: آفریدی کا خیال

پاکستان کے آل راؤنڈر شاہد آفریدی نے ہندوستان کے جارحانہ مزاج اوپنگ بلے باز وریندر سہواگ کی تعریف کرتے ہوئے کہا ہے کہ مجھے ہر وہ کھلاڑی پسند ہے جو جارحانہ مزاج رکھتا ہو اور خاص طور پر اوپننگ بلے باز جو بالر کی دھلائی کرے، اس معاملے میں نے وریندر سہواگ کے بعد کسی اور اوپننگ بلے ...

ہندستان بمقابلہ ویسٹ انڈیز : ہندوستان کی ٹیسٹ تاریخ میں سب سے بڑی جیت

 ہندوستان کی کرکٹ ٹیم نے بلے بازوں کی شاندار اننگز اور گیندبازوں کی عمدہ کارکردگی کی بدولت فالو آن کے لئے مجبور ہوئی ویسٹ انڈیز کے خلاف پہلے کرکٹ ٹیسٹ کے تیسرے ہی دن ہفتہ کو میچ اپنے نام کرتے ہوئے اننگز اور 272 رنز سے ٹیسٹ تاریخ کی سب سے بڑی جیت درج کر لی۔ ...

ڈیبوٹیسٹ میں سنچری لگانے والے ہندوستان کے دوسرے نوجوان کھلاڑی بنے پرتھوی شا

ویسٹ انڈیز کے خلاف راج کوٹ میں کھیلے جا رہے دو ٹیسٹ میچوں کی سیریز کے پہلے ٹیسٹ کے پہلے دن 18سال کے سلامی بلے باز پرتھوی شا نے اپنے پہلے میچ میں ہی شاندار بلے بازی کرتے ہوئے سنچری جڑ دیا ۔ اسی کے ساتھ شا سب سے کم عمر کے ہندوستان کے دوسرے بلے باز بن گئے ہیں جنہوں نے اپنے کریئر کے ...