مکہ مسجد بم دھماکہ مقدمہ میں اسیمانند سمیت5ملزمان بری

Source: S.O. News Service | By Shahid Mukhtesar | Published on 16th April 2018, 2:34 PM | ملکی خبریں |

حیدر آباد،16؍اپریل(ایس او نیوز؍ایجنسی) یہاں کی خصوصی قومی تحقیقاتی ایجنسی عدالت نے مکہ مسجد دھماکے کے پانچوں ملزموں کر بری کر دیا۔ پیرکو اپنے فیصلہ میں عدالت نے کہا کہ تحقیقاتی ایجنسی ان پانچوں بشمول اسیمانند کو مجرم ثابت کرنے میں ناکام ہو گئی ۔

اس کیس میں دس افراد ، جو ابھینو بھارت کے اراکین تھے،نابا کمار سیرکار عرف اسیمانند ،دیوندر گپتا، لوکیش شرما عرف اجے تیواڑی، لکشمن داس مہاراج، موہن لال راتیشور اور راجندر چودھری کو اس کیس میں ملزم بنایا گیا تھا۔ دو ملزم رام چندر کلسانگرا اور سندیپ ڈانگے ابی تک فرار ہیں۔ایک کلیدی ملزم اور آر ایس ایس کا فعال کارکن سنیل جوشی پر دوران تحقیقات گولی چلائی گئی تھی۔

واضح ہو کہ حیدر آباد میں تاریخی مکہ مسجد پر پائپ بم دھماکے میں8افراد ہلاک اور 58دیگر زخمی ہو گئے تھے۔18مئی2007کو مکہ مسجد میں نماز جمعہ کے بعد تشدد پر اترے ایک ہجوم پر پولس فائرنگ میں پانچ دیگر ہلاک ہو گئے تھے۔

مقامی پولس کی ابتدائی تحقیقات کے بعد معاملہ سی بی آئی کو سونپ دیا گیا تھا جس نے ایک فرد جرم داخل کی۔اپریل2011میں قومی تحقیقاتی ایجنسی نے معاملہ اپنے ہاتھ میں لے لیا۔سماعت کے دوران 226گواہ پیش ہوئے اور411دستاویزات عدالت میں رکھی گئیں۔

 

ایک نظر اس پر بھی

ریاستیں کشمیری شہریوں کو تحفظ فراہم کرائیں،مرکز نے مشاورت جاری کی

پلوامہ دہشت گردانہ حملے کے پیش نظر ملک کے مختلف حصوں میں جموں کشمیر سے متعلق لوگوں پر حملے کی خبروں کے درمیان مرکزنے جمعہ کی رات تمام ریاستوں کو جموں کشمیر سے متعلق لوگوں کی حفاظت کو یقینی بنانے کی ہدایت دی۔

پی چدمبرم کا طنز، مودی کے رہتے بی جے پی کو کسی کی صلاح کی کیا ضرورت

لیفٹیننٹ جنرل (ریٹائرڈ) ڈی ایس ہڈا کو کانگریس کی جانب سے قومی سلامتی پرمشاورت تیار کرنے کی ذمہ داری دئے جانے کو لے کر وزیر خزانہ ارون جیٹلی کے حملے پر جوابی حملہ کرتے ہوئے کانگریس کے سینئر لیڈر پی چدمبرم نے ہفتہ کو طنز کیا

رابرٹ واڈرا نے عدالت میں عرضی داخل کر معاملے سے منسلک دستاویزات کی کاپیاں مانگی

منی لانڈرنگ کے معاملات میں انفورسمنٹ ڈائریکٹوریٹ (ای ڈی) کی جانچ کا سامنا کر رہے رابرٹ واڈرا نے ہفتہ کو دہلی کی ایک عدالت میں عرضی داخل کر جانچ ایجنسی سے کیس سے منسلک دستاویزات کی کاپیاں مانگی۔

ہماری حکومت بنی تو نیم فوجی دستوں کے جوانوں کو ملے گا شہید کا درجہ: راہل گاندھی

کانگریس صدر راہل گاندھی نے سنیچر کو کہا کہ آئندہ لوک سبھا انتخابات کے بعد ان کی پارٹی کی حکومت بننے پرملک کے لیے جان نچھاور کرنے والے نیم فوجی دستوں کے جوانوں کو بھی ’شہید‘ کا درجہ دینے کا بندوبست کیا جائے گا۔