توکیابلندشہرتشددمنصوبہ بندتھا؟ جائے حادثہ سے 100میٹر دور اسکول میں بچوں کووقت سے پہلے دیاگیامڈ ڈے میل، اساتذہ نے کہا، گھر بھیجنے کاملاتھاحکم

Source: S.O. News Service | By Shahid Mukhtesar | Published on 6th December 2018, 10:04 PM | ملکی خبریں |

بلند شہر،6دسمبر(ایس او نیوز؍آئی این ایس انڈیا) اتر پردیش کے بلند شہر میں گؤکشی کے شک میں ہوئے تشدد کے دن وہاں سے مشکل سے 100میٹرکے فاصلے پر بچوں کو اسکول میں وقت سے پہلے ہی مڈڈے میل دے دیا گیا تھا۔اس سکول کے استاد نے بتایا کہ بچوں کو جلد کھانا کھلانے اور انہیں فوری طور پر گھر بھیجنے کاحکم ملاتھا،چنگراوٹھی گاؤں میں ابتدائی اور جونیئر ثانوی اسکول میں، 3 دسمبر کو 150سے زائد طالب علموں کو 11بج کر15منٹ پرمڈ ڈے میل دے دیاگیاتھا،اسی گاؤں میں3دسمبر کو پولیس کے ساتھ 400افراد کاٹکراؤہواتھا،مشکل سے100میٹر کی دوری پرہورہے حالات سے بے خبر ان بچوں کیلئے غیرمعمولی تھا ،جہاں عام طور پر 12بج کر30منٹ پرمڈ ڈے میل دیاجاتاہے ۔اسکول میں باورچی اور کھانا کھلانے والے راج پال سنگھ نے کہا،’’اس دن ہمیں کھانا جلدتقسیم کرنے اور بچوں کو گھر بھیجنے کا حکم ملاتھا۔اس اسکول میں پرائمری کلاسوں کے 107 اور 66جونیئر ثانوی طلبہ ہیں،یہ صبح 9بجے کھلتا ہے اور دوپہر میں تین بجے تک چلتا ہے۔پرائمری اسکول کے انچارج دیش راج سنگھ نے کہا کہ بچوں کو کھانا کھلانے کے بعد انہیں فوری طور پر گھر بھیج دیا گیا تھا۔سنگھ دو اساتذہ اور دوشکسامتروں کے ساتھ کلاس 1سے 5تک کے طلبہ کوپڑھاتے ہیں،اوما رانی 6سے 8ویں تک کے طالب علم کوپڑھاتی ہیں۔پرائمری اور جونیئر سیکنڈری سیکشن دونوں ہی اسی اسکول کے احاطے سے چل رہے ہیں۔سنگھ نے کہا کہ بھیڑ غیر معمولی طورپرچلارہی تھی۔صبح 11بجے بنیادی تعلیمی آفیسر سے ایک پیغام پہنچا تھا،جس میں کہاگیاتھاکہ اجتماع کی وجہ سے حالات اچھے نہیں لگتے ہیں اور بچوں کو کھانا کھلاکر انہیں فورا چھوڑ دیاجائے۔سنگھ نے کہا کہ باہر(میرٹھ) والے اساتذہ کوبھی جلد جانے کے لئے کہا گیا تھا کہ کہیں ایسانہ ہو وہ ٹریفک جام میں پھنس جائیں۔انہوں نے کہا کہ پیر کے روز اسکول سے ہر شخص جلد ہی چلا گیا اور بعد میں ضلع انتظامیہ نے منگل کو تمام اسکولوں کی بندکرنے کا حکم دیا۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔