نئی دہلی،14؍اکتوبر(ایس او نیوزآئی این ایس انڈیا)دہلی کے وزیر اعلی اروند کیجریوال کی نیلے رنگ کی ویگن آر کار غازی آباد سے برآمد ہوئی ہے ۔یہ گاڑی دو دن پہلے دہلی سیکرٹریٹ کے باہر سے چوری ہو گئی تھی۔ پولیس نے بتایا کہ کار غازی آباد میں مل گئی ہے ۔لیکن ایک سال سے پولیس کونجیب کاسراغ نہیں لگاہے ۔کجریوال اپنے سیاسی کیریئر کے آغاز میں اسی کار کا استعمال کرتے تھے. عام آدمی کے طور پر کجریوال کی شبیہ مضبوط بنانے میں اس کار کا خاصا تعاون رہا ہے ۔ فی الحال اس کار کا استعمال عام آدمی پارٹی کی ایک کارکن کر رہی تھی۔ دہلی پولیس نے بتایا کہ کارکے متعلق وہ غازی آباد پولیس کے رابطے میں ہے۔ پولیس کے ایک سینئر افسر نے کہاغازی آباد پولیس کو نیلے رنگ کی ویگن آر کار لاوارث حالت میں ملی، ہمیں لگتا ہے کہ وہ گاڑی وزیر اعلی کی ہی ہے اب پولیس اس کے انجن اور چیسس نمبر کی پڑتال کر رہی ہے ۔ کجریوال نے کل لیفٹیننٹ گورنر انل بیجل کو خط لکھا تھا جس میں انہوں نے کہا تھا کہ چوری کی یہ واقعہ قومی دارالحکومت خطہ میں مسلسل بڑھ رہی ہے جو بگڑتے قانون و انتظام کی طرف اشارہ کرتی ہے ۔اس واقعہ سے آپ کارکنوں میں ناراضگی تھی. بہت سے کارکنوں نے سوشل میڈیا پر کجریوال کے ساتھ گاڑی کی تصاویر پوسٹ کیں، خاص طور پر سال 2014 کے یوم جمہوریہ کی تصویر جب وہ پہلی بار دہلی کے وزیر اعلی بنے تھے ۔ سافٹ ویئر انجینئر کندن شرما نے 2013میں ویگن آر گفٹ کی تھی لیکن جب کجریوال اور ان پارٹی اتحادی پرشانت بھوشن اور یوگیندر یادو کی راہیں الگ ہوئیں تو گاڑی کو واپس کا مطالبہ کیا گیا تھا ۔ دسمبر 2013 میں وزیر اعلی بننے کے بعد کجریوال نے سرکاری گاڑی کا استعمال کرنے سے انکار کر دیا تھا اور اپنی پرانی ویگن آر کار کو ترجیح دی تھی۔