دارالحکومت میں لاء اینڈآرڈرتباہ ،کیجریوال نے دہلی میں قانون و انتظام پرمودی سرکارکوگھیرا
نئی دہلی17جولائی(ایس او نیوز؍آئی این ایس انڈیا)دہلی کے وزیراعلیٰ اروند کیجریوال نے پیر کے روز بھارتیہ جنتا پارٹی (بی جے پی)کی قیادت والی مرکزی حکومت کی سخت نکتہ چینی کرتے ہوئے کہا دن بہ دن دارالحکومت میں قانون و انتظام کی حالت بدتر ہو تی جا رہی ہے۔
مسٹر کیجریوال نے ٹویٹ کرکے کہا کہ ہندوستان کے قومی دارالحکومت میں قانون و انتظام کی حالت ہر روز خراب ہو رہی ہے۔بی جے پی پوری طرح ناکام ہو گئی ہے۔ پولیس اسٹیشن میں ایک 17 سالہ لڑکی کی موت اور ایئر ہوسٹیس کی اپنے گھر میں خود کشی کے واقعات پر مسٹر کیجریوال نے رد عمل کا اظہار کرتے ہوئے مرکزی حکومت کے خلاف یہ تبصرہ کیا۔
عام آدمی پارٹی کے قومی کنوینر مسٹر کیجریوال نے کہا کہ دہلی کو مکمل ریاست کا درجہ دے دیا جائے تو اسے جرائم سے پاک بنا دیا جائے گا۔
