ممتاکے منچ سے اروند کجریوال کازبردست حملہ، مودی۔ شاہ نے 5سالوں میں وہ کردیاجو پاکستان اب تک نہ کرسکا، مسلمانوں کونشانہ بنایاگیا،خواتین کوگالی دینے والوں کووزیراعظم فالوکرتے ہیں
کولکاتہ:19/ جنوری (ایس اونیوز /آئی این ایس انڈیا)دہلی کے وزیراعلیٰ اورعام آدمی پارٹی کے کنوینر اروندکجریوال ممتابنرجی کی ریلی میں مغربی بنگال میں شامل ہوئے۔دہلی کے وزیراعلیٰ نے مودی اوربی جے پی کے قومی صدر امت شاہ کے خلاف آواز بلند کی۔کجریوال نے کہا کہ مودی نے وعدخلافی کی ہے۔مودی جی کی نوٹ بندی کی وجہ سے سو لاکھ نوکریاں ختم ہو ئی ہیں،آج ملک کے کسانوں دردرکی ٹھوکر کھا رہے ہیں،آج ملک کے کسانوں میں بی جے پی کے خلاف ناراضگی ہے ،کسان خودکشی کررہے ہیں،کسان کی فصل بربادہوتی ہے تویہ کہتے ہیں انشورنس کمپنیوں سے پیسہ لے لو،جب کسان انشورنس کمپنیوں کے پاس جاتے ہیں، تو پھر کوئی معاوضہ ادا نہیں کیا جاتا ہے۔مودی جی کے دوست انشورنس کمپنیوں کے مالکان ہیں۔آپ کے آرگنائزر نے کہا کہ ہمارے ملک کے وزیراعظم ٹویٹر پر ان لوگوں کوفالو کرتے ہیں جو اس ملک کی خواتین کو گالیا دیتے ہیں،جگہ جگہ دلتوں کوہجومی تشددمیں ماراجارہاہے۔انہوں نے کہا کہ آج مسلمانوں کو تشدد کا سامنا کرنا پڑرہا ہے۔گزشتہ 70سالوں میں بہت سی طاقتیں ملک کو کمزور کرنے کی کوشش کی، 70سالوں میں پاکستان نے جو نہیں کیا، مودی اور امت شاہ نے پانچ برسوں میں وہ کردیا۔اروندکجریوال نے کہا کہ مودی اور شاہ نے پانچ سالوں میں اس ملک میں زہر پھیلایا ہے،جو پاکستان 70سال میں نہیں کر سکا۔ انہوں نے کہا کہ یہ جوڑا ملک کو برباد کرے گا،میں جتناسوچتاہوں اتناہی کانپنے لگتاہوں،اگر یہ جوڑا 2019میں پھر آتا ہے، تو ملک تباہ ہوجائے گا،یہ ملک کو توڑ دے گا۔کجریوال نے اپیل کی کہ ہمیں دہلی سے مودی اور امت شاہ کو اقتدار سے نکالنا ہوگا۔دہلی کے وزیر اعلی نے امت شاہ کے ایک بیان کا حوالہ دیتے ہوئے کہا کہ کچھ دنوں پہلے امت شاہ نے ایک ریلی میں کہا تھا کہ اگر 2019میں بی جے پی کی حکومت دوبارہ تشکیل ہوجائے تو ہم 50سال تک رہیں گے،وہ دونوں ملک کے آئین کو تبدیل کردیں گے۔مودی اور شاہ کا مقصد وہی ہے جو ہٹلر کا تھا؟ وہ اس ملک سے جمہوریت کو ختم کرنا چاہتے ہیں،کچھ بھی کرو لیکن جوڑے کو دوبارہ دوبارہ اقتدار میں نہ آنے دو۔انہوں نے مزید کہا کہ مودی نہیں ہوگاتو کون ہوگا؟میں ان سے کہتا ہوں کہ 2019انتخابات وزیر اعظم ہونے کا انتخاب نہیں ہے، مودی اور شاہ کوہٹانے کاانتخاب ہے۔دوستوں یاد رکھو مودی اور شاہ جانے واہے ہیں، اچھے دن آ نے والے ہیں۔