بھارت نے بر وقت مفید اصلاح کی ہے،ارون جیٹلی کاامریکہ میں دعویٰ
واشنگٹن،15؍اکتوبر (ایس او نیوز؍ آئی این ایس انڈیا) وزیر خزانہ ارون جیٹلی نے آج کہاکہ ہندوستان نے صحیح وقت پر تخلیقی مفید اصلاحات کئے ہیں اور ان اصلاحات سے آنے والیوقت میں ملک کو فائدہ ہو گا۔ انہوں نے کہاکہ نوٹ بندی اور جی ایس ٹی سمیت کچھ اہم مفید اقدامات ملک کی معیشت کے طویل مدتی فوائد ککے ضامن ہوں گے اور اس کے نتیجے میں بھارت کی ترقی کی شرح نمو بلند ہوگی ۔ جیٹلی نے ایک پریس کانفرنس کے دوران بھارتی صحافیوں کے ایک گروپ سے کہا ایسے وقت میں جب دنیا کی ترقی کی شرح ڈھائی فیصد کے ارد گرد ہے، بھارت سب سے تیز رو عالمی معیشت میں اپنامقام بنا لیا ہے ، واضح ہوکہ انڈین ایکسپریس کے مطابق بھارت فاقہ کشی میں 2014سے 54ویں مقام سے آگے بڑھ کر 100مقام پرآپہنچا ہے ۔ جیٹلی نے کہا کہ یہ اصلاحات آنے والے وقتوں کے لئے درست اقدامات ہیں ۔ بحران زدہ معیشت کو پٹری پر لانے میں کوئی وقت نہیں لگا جیٹلی نے نوٹ بندی کو درست ثابت کرتے ہوئے کہا کہ میرے خیال سے اصلاحات کے لئے یہ صحیح وقت ہے۔ وزیر خزانہ نے نوٹ بندی کو ہندوستانی معیشت کو نقصان پہنچانے والا قدم بتانے والوں کی جی کھول کی تنقید کی ، موصوف نے کہا کہ اگر نوٹ بندی عمل میں نہیں لائی جاتی تو کالا دھن پر قدغن نہیں لگایا جا سکتا تھا ، واضح ہو کہ آر بی آئی نے گذشتہ ماہ ہی ۹۹فیصدی واپس آنے کی نیک خبر دی تھی اور ساتھ ہی ساتھ اپوزیشن رہنماؤں نے نوٹ بندی کو ملکی معیشت کو ڈبونے کا الزام بھی لگایا تھا ، معروف ماہر اقتصادیات اور سابق وزیر اعظم منموہن سنگھ نے نوٹ بندی کو غلط قرار دیتے ہوئے عجلت میں لیا گیا فیصلہ قرار دیا تھا ۔ حتی کہ یشونت سنہا جو بی جے پی کے سینئر لیڈر ہیں انہوں نے بھی نوٹ بندی کی پر زور مخالفت کرتے ہوئے ملک کی معیشت کو ڈبونے کا تیکھا الزام بھی لگایا تھا ۔