خام دھات کی غیر قانونی کانکنی ' کمارا سوامی کی ضمانت قبل از گرفتاری منظور

Source: S.O. News Service | By Jafar Sadique Nooruddin | Published on 18th May 2017, 12:34 AM | ریاستی خبریں | ان خبروں کو پڑھنا مت بھولئے |

 بنگلور:17/مئی (یواین آئی) کرناٹک کے سابق وزیراعلی و جنتادل سیکولر کے ریاستی صدر ایچ ڈی کماراسوامی کو جنتاکل کانکنی معاملہ میں مقامی عدالت میں ضمانت قبل از گرفتاری منظور کی ہے۔سٹی سیول کورٹ کے جج نے کمارا سوامی کو راحت دی جنہو ں نے ایس آئی ٹی کی جانب سے نوٹس کی ا جرائی اور جنتاکل کانکنی کمپنی کی جانب سے خام دھات کی غیر قانونی منتقلی کے سلسلہ میں امکانی گرفتاری پر گذشتہ روز ضمانت قبل از گرفتاری کی عرضی داخل کی تھی۔ سپریم کورٹ کی ہدایت پر کرناٹک لوک آیوکت کے تحت خصوصی جانچ ٹیم اس معاملہ کی جانچ کررہی ہے۔قبل ازیں اس عرضی کی سماعت کے دوران ایس آئی ٹی کے وکیل نے ضمانت کی منظوری کے خلاف بحث کی کیو ں کہ اس معاملہ کی جانچ ہنوز شروع نہیں ہوئی ہے۔ایسے میں ضمانت کی منظوری پر کمارا سوامی کی جانب سے جانچ میں تعاون نہ کرنے کاامکان ہے اور وہ گواہوں پر اثر انداز بھی ہوسکتے ہیں۔ کماراسوامی کے وکیل ایچ پاشاہ نے تاہم بحث میں حصہ لیتے ہوئے کہا کہ ان کی ضمانت منظور کی جائے کیو ں کہ ان کے موکل سابق وزیراعلی اور ایک ذمہ دار شہری ہیں۔وہ جانچ میں رکاوٹ پیدا نہیں کریں گے۔یہ معاملہ جنتاکل کانکنی کمپنی کو مرکزی وزارت ماحولیات کے کلیرنس لیٹر میں جعلسازی کے ذریعہ کچدھات کو اٹھانے کی اجازت دیئے جانے سے متعلق ہے۔ایس آئی ٹی کی ٹیم نے 10لاکھ روپے کی رشوت حاصل کرنے کے بعد خام دھات کو اٹھانے کی مبینہ طور پر اجازت پر 15مئی کو سینئر آئی اے ایس بنگیریا کو گرفتار کیا تھا۔ پوچھ تاچھ کے دوران انہوں نے کہا تھا کہ اس کی اجازت کے لئے اس وقت کمارا سوامی نے دباو ڈالا تھا۔اسی دوران جج وناملا نے کمارا سوامی کو ہدایت دی کہ 5لاکھ روپے کے بانڈ اور دو ضمانتیں فراہم کرے۔ انہوں نے کہا کہ اس معاملہ کے سلسلہ میں جب بھی ایس آئی ٹی طلب کرے وہ اس کے سامنے حاضر ہوں اور نہ ہی ملک چھوڑیں اور نہ ہی گواہوں پر اثرانداز ہوں۔

ایک نظر اس پر بھی

مستقبل قریب میں حلقہ اسمبلی گلبرگی کے انتخابات،مسلمانان گلبرگہ کی دانش مندی کا امتحان

ممتازسماجی خدمت گزار اور سیاسی بزرگ شخصیت ڈاکٹر ایم ایچ بگدلی نے اپنے صحافتی بیان میں کہا ہے کہ شہر کرناٹک گلبرگہ محترم جناب الحاج قمرالاسلام صاحب کے سانحہ ارتحال کے بعد شہر یانِ گلبرگہ کے ہر کس وناکس کی زبان پر یہی تذکرہ ہے کہ قمرالاسلام کا سیاسی قاؤئم مقام کون ہوگا؟

ہبلی :مرکزی وزیر اننت کمارہیگڈے معافی مانگے اورعہدے سے استعفیٰ دیں : یوتھ کانگریس کا احتجاج

عوامی اجلاس میں ریاستی وزیر اعلیٰ سدرامیا کے خلاف توہین آمیز بیان دئیے مرکزی وزیر اننت کمار ہیگڈے کی مذمت میں ہبلی دھارواڑ یوتھ کانگریس کی جانب سے تحصیلدار دفتر کےسامنے احتجاج کیا گیا ۔

حکومت کی غیر ذمہ دارانہ حرکت سے پرائیویٹ ڈاکٹروں کامسئلہ الجھا ہے : حزب مخالف لیڈر جگدیش شٹر

ریاستی سرکار کی غیر ذمہ دارانہ حرکت اور ان دیکھی سے مسئلہ الجھا ہے اور پرائیویٹ ڈاکٹروں کا احتجاج ریاست گیر سطح پر عوام کے لئے پریشانی کا باعث بننے کا حزب مخالف لیڈر جگدیش شٹر نے خیال ظاہر کیا۔

گجرات: کار۔بس تصادم میں 7 نوجوان موقع پر ہلاک

اوجھا مہسانا ہائی وے پر آج یہاں ایک گاڑی ایک ڈیوائڈر سے ٹکراکر سڑک کے دوسری طرف جا گری جہاں مخالف سمت سے آنے والے بس سے ٹکرا گئی جس کے نتیجے میں سات کار سوار افراد موقع پر ہی ہلاک ہوگئے ۔

بھٹکل کے قریب مرڈیشور ہائی وے پر لاری نے دی اسکوٹی کو ٹکر؛ خاتون پولس کانسٹیبل کی موقع پر موت

یہاں مرڈیشور نیشنل ہائی وے پر ایک تیز رفتاری کی زد میں آکر ایک خاتون پولس کانسٹیبل کی موقع پر ہی موت واقع ہوگئی جس کی شناخت مرادُولا اچاری (37) کی حیثیت سے کی گئی ہے۔وہ مرڈیشور پولس تھانہ میں اپنی خدمات انجام دے رہی تھی۔