پاکستان آرمی کی خیبر ایجنسی کی وادی راجگال میں دہشت گردوں کے خلاف کارروائی

Source: S.O. News Service | By Shahid Mukhtesar | Published on 17th July 2017, 10:28 AM | عالمی خبریں |

اسلام آباد،16؍جولائی(ایس او نیوز؍آئی این ایس انڈیا)پاکستان آرمی نے وفاق کے زیر انتظام قبائلی علاقے خیبر ایجنسی کی وادی راجگال میں آپریشن ردّ الفساد کے تحت دہشت گردوں کے خلاف اتوار کے روز خیبر4 کے نام سے نئی کارروائی شروع کردی ہے۔پاک فوج کے شعبہ تعلقات عامہ کے ڈائریکٹر جنرل ،میجر جنرل آصف غفور نے ایک نیوز کانفرنس میں وادی راجگال میں دہشت گردوں کے قلع قمع کے لیے آپریشن شروع کرنے کا اعلان کیا ہے۔اس کے تحت دہشت گردوں کے ٹھکانوں کو نشانہ بنایا جائے گا۔انھوں نے ایک سوال کے جواب میں کہا کہ اس آپریشن کا ابھی کوئی نظام الاوقات مقرر نہیں کیا گیا ہے۔انھوں نے بتایا کہ فوج نے خیبر4 آپریشن کے آغاز سے قبل افغان فورسز کو آگاہ کردیا ہے اور اگر افغان آرمی سرحد کے اپنی جانب اس کارروائی میں معاونت کرنا چاہتی ہے تو وہ ایسا کرسکتی ہے ۔پاک فوج کے ترجمان نے مزید کہا کہ ملک میں کسی اور فوج کے بوٹ نہیں ہوں گے اور تمام کارروائیاں پاکستانی سکیورٹی فورسز کررہی ہیں۔اگر افغان قیادت دہشت گردوں کے خاتمے کیلیے معاون کارروائیوں کی خواہاں ہے،تو کابل کے ساتھ معلومات کا تبادلہ کیا جائے گا۔انھوں نے کہا کہ آپریشن ردّ الفساد کے تحت ہم اپنی سرحدوں کو مضبوط بنائیں گے۔ہم دہشت گردوں کی سرحد پار نقل وحرکت پر بھی نظر رکھیں گے اور اس سلسلے میں ہمارے افغانستان کے ساتھ رابطے جاری ہیں۔انھوں نے مزید بتایا کہ افغانستان اور ایران کے ساتھ سرحد پر باڑ لگائی جارہی ہے اور ہر ڈیڑھ کلومیٹر کے بعد اس پر چوکیاں بنائی جائیں گی اور ان کی نگرانی کی جائے گی۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...