جموں،24فروری(ایس او نیوز/آئی این ایس انڈیا)کشمیر پہنچے ہندوستانی فوج کے چیف جنرل وپن راوت نے شوپیاں میں اتوار صبح دہشت گردانہ حملے میں شہید ہوئے فوجیوں کو جمعہ صبح خراج عقیدت پیش کیا۔اس موقع پر فوج کے دیگر عہدیدار بھی موجود تھے۔شہید جوانوں کی لاش کو ان کے آبائی گاؤں آخری رسومات کے لئے بھیجا جائے گا۔فوج کے ہیڈ کوارٹر بادامی باغ میں فوج کے سربراہ نے شہید جوانوں کو خراج عقیدت پیش کیا اور اس کے بعد فوج کے اعلی حکام سے ملاقات کرکے سیکورٹی حالات کا جائزہ لیا۔قابل ذکر ہے اتوار کی صبح شوپیاں کے چتراگام میں دہشت گردوں نے فوج کی 44آر آر کی گشتی پر دہشت گردانہ حملہ کیا تھا جس میں فوج کے تین جوان شہید ہو گئے جبکہ ایک میجر اور کرنل سمیت چار جوان زخمی ہو گئے جن علاج فوج کے ہسپتال میں جاری ہے۔اس دوران ایک مقامی خاتون تازہ بیگم بھی زخمی ہو گئی تھی جس کی علاج کے دوران موت ہو گئی۔