حاکم دبئی کا الجزائری طالبہ کے نام 10 لائبریریاں قائم کرنے کا اعلان

Source: S.O. News Service | By Shahid Mukhtesar | Published on 3rd May 2017, 11:51 AM | خلیجی خبریں |

دبئی،2؍مئی(ایس او نیوز؍آئی این ایس انڈیا)متحدہ عرب امارات کے نائب صدر اور حاکم دبئی الشیخ محمد بن راشد آل مکتوم نے افریقی عرب ملک الجزائر سے تعلق رکھنے والی ایک 17 سالہ طالبہ کے نام 10 لائبریریاں قائم کرنے کا حکم دیا ہے۔حاکم دبئی کی طرف سے یہ اعلان الجزائری طالبہ فاطمہ گولام کے شوق مطالعہ اور حصول علم کے سفر کے دوران پیش آنے والی ناگہانی موت پراس کے ساتھ ہمدردی اور غم گساری کے طور پرکیا ہے۔ فاطمہ گولام حاکم دبئی کی جانب سے شروع کیے گئے’عرب ریڈرز چیلنج‘ کے پروگرام میں شرکت کے لیے آ رہی تھیں کہ الجزائر کے دارالحکومت سے 1500 کلو میٹر دور البیض شہر میں ایک المناک ٹریفک حادثے میں اپنے ایک دوسرے ساتھی سمیت انتقال کرگئی۔ فاطمہ کی ناگہانی موت پر پورا الجزائر ہی نہیں بلکہ عرب دنیا بھی سوگوار ہے۔

الشیخ راشد آل مکتوم نے حادثے میں جاں بحق ہونے والی طالبہ کے خاندان اور الجزائری قوم کے نام اپنے تعزیتی پیغام میں گہرے دکھ کا اظہار کیا ہے۔ انہوں نے فاطمہ گولام کے شوق حصو علم کے اعتراف میں اپنی جان کا نذرانہ پیش کرنے پر اس کے نام پر دس لائبریریاں قائم کرنے کا حکم دیا ہے۔خیال رہے کہ متحدہ عرب امارات کینائب صدر، وزیراعظم اور حاکم دبئی الشیخ محمد بن راشد آل مکتوم نے گذشتہ برس ’عرب ریڈرز چیلنج‘ کے عنوان سے ایک نیا پروگرام شروع کیا تھا جس کے تحت عرب ممالک کی سطح پر مطالعے کے شوقین طلباء وطالبات کے درمیان مقابلے کرائے جاتے ہیں۔
 

ایک نظر اس پر بھی

بحرین میں دہشت گردی کی کارروائیوں میں مطلوب 286 اشتہاری دہشت گردوں کو حراست میں لینے کا دعویٰ

خلیجی ریاست بحرین میں پولیس نے عدالتوں کو دہشت گردی کی کارروائیوں میں مطلوب 286 اشتہاری دہشت گردوں کو حراست میں لینے کا دعویٰ کیا ہے۔ گرفتار کیے گئے شدت پسندوں میں کئی بیرون ملک فرار کی کوشش کے دوران پکڑے گئے۔ پولیس نے اشتہاریوں کے خلاف کارروائی شروع کی اور ان کی گرفتاریوں کے ...

'نیوز 18 انڈیا' نے نابالغ عُبید کو بنایا بغدادی، بھارتی سفارت خانے میں درج ہوئی شکایت

   'نیوز 18 انڈیا'  نیوز چینل جو 'نیٹ ورک 18' میڈیا گروپ کا ایک چینل ہے، جس نے اپنے ایک پروگرام میں آئی ایس آئی ایس (ISIS) کے بانی ابوبکر  امام بغدادی کے بچپن کو دکھانے کے لئے 17 سال کے عبید شمشاد ویڈیو کا استعمال کیا ہے.

ریاض سربراہ کانفرنس:دہشت گردی کے خلاف نئی فورس کا اعلان؛ امریکا ، عرب ممالک اورمسلم ممالک پر مشتمل 34 ہزار سپاہیوں کی فورس

سعودی عرب کی میزبانی میں کل اتوار کے روز مسلم ممالک، عرب ممالک اور امریکا کی سربراہ کانفرنس میں دہشت گردی کے خلاف جنگ کے لیے ایک نئی فورس کی تشکیل کا اعلان کیا گیا ہے جس میں ابتدائی طور پر34ہزار فوجیوں کی خدمات حاصل کی جائیں گی۔ ریاض میں اسلامی، عرب ، امریکی سربراہ کانفرنس سعودی ...

ماں کے بعد بھٹکل کی دو بیٹیوں نے جیتا دبئی قران مقابلہ؛ ایک کو اول اور دوسری کو دوم مقام

بھٹکل سے تعلق رکھنے والی فاطمہ محتشم اور عائشہ محتشم نے دبئی  میں منعقدہ ۱۲ واں قرآن مقابلہ جیت کر ہندوستان اور بالخصوص بھٹکل کے مسلمانوں کے لئے قابل رشک کارنامہ انجام دیا ہے۔ خیال رہے کہ کچھ سال قبل ان کی والدہ فائزہ  صدیق محتشم جو قران کی حافظہ ہیں ، نے بھی اسی طرح کا قران کا ...

فوربس فہرست میں عرب دنیا کے 50 ٹاپ انڈین ایکزیکٹیوز میں بھٹکل کے مشتاق مسعود کانام شامل

بھٹکل اور اطراف کے عوام کے لئے یہ بڑے رشک اور فخر کی بات ہے کہ Forbes مڈل ایسٹ نے عرب دنیا کے 50ٹاپ ایکزیکٹیوز کی جو فہرست جاری کی ہے اس میں مشتاق مسعود (المعروف ایس ایم سید مشتاق) کانام بھی شامل ہے۔