نئی دہلی12ستمبر (ایس او نیوز؍ آئی این ایس انڈیا ) سال 2012 میں وحشیانہ اجتماعی عصمت دری اور قتل کا شکار ہوئی 23 سالہ پیرامیڈیکل اسکول کی ماں نے منگل کو کہا کہ انہوں نے قصورواروں کو پھانسی دیئے جانے میں ہو رہی تاخیر کا پتہ لگانے کے لیے دہلی خواتین کمیشن سے رابطہ کیا۔انہو ں نے نربھیا عصمت دری اور قتل کیس کے قصورواروں کو پھانسی دیئے جانے میں تاخیر کو لے کر پیر کو تہاڑ جیل کے حکام کو نوٹس جاری کیا۔حکام سے قصورواروں کو جلد از جلد پھانسی دینے کی درخواست کرتے ہوئے نربھیا کی ماں آشادیوی نے کہاہے کہ وہ اپنی بیٹی کے لیے انصاف چاہتی ہیں اور یہ اس وقت تک پورا نہیں ہوگا جب تک کہ اس کے قاتلوں کو پھانسی نہیں دی جاتی ہے۔انہوں نے کہا کہ قصورواروں کوپھانسی دینے میں تاخیر کا پتہ لگانے کے لیے انہوں نے جولائی میں ایک بار پھر سے رابطہ کیاہے۔دیوی نے گزشتہ سال بھی شکایت کی تھی، جس میں انہوں نے پوچھا تھا کہ کیوں مجرموں کو سپریم کورٹ کے حکم کے مطابق پھانسی نہیں دی گئی ہے۔سپریم کورٹ نے گزشتہ سال مئی میں23 سالہ پیرامیڈیکل طالبہ سے عصمت دری اور اس قتل کے معاملے میں کے ارد قصورواروں کی موت کی سزا کو برقرار رکھا تھا۔