سماجی خدمات ایوارڈ کے لئے یوتھ کمیٹیوں کی طرف سے درخواستیں مطلوب؛ بھٹکل کے اسپورٹس سینٹرس بھی توجہ دیں
کاروار8؍فروری (ایس او نیوز) نہرو یووا کیندرا کاروار کی طرف سے جاری پریس ریلیز کے مطابق ضلع شمالی کینرا کے تمام تعلقہ جات میں سماجی خدمات انجام دینے والی یوتھ کمیٹیوں ؍کلبوں سے سال 2016 - 17کے ایوارڈ کے لئے درخواستیں طلب کی گئی ہیں۔
ایوارڈ کا مستحق ہونے کے لئے نوجوانوں کے کلب؍ایسوسی ایشن کا کرناٹکا سوسائیٹیز ایکٹ 1960کے تحت رجسٹرڈ ہونا ضروری ہے۔ اس کے علاوہ 01-04-2016سے 31-03-2017کے عرصے میں صحت عامہ، خاندانی بہبود، ماحولیاتی تحفظ،پیشہ ورانہ تربیت،تعلیم،خواتین کی ترقی،ثقافت،خود روزگار، معذورین کے کھیل کود مقابلے اور سماجی فلاح و بہبود وغیرہ کے تعلق سے پروگرام منعقد کرنے اور خدمات انجام دینے کے دستاویزی ثبوت موجود ہوں۔ اس ضمن میں درخواست دینے کی آخری تاریخ 20فروری ہے۔تعلقہ سطح پر جو ایوارڈ دیا جائے گا اس میں اول انعام 8ہزار روپے،دوم انعام 4ہزار روپے اور سپاس نامہ ہوگا۔
درخواست دینے کے خواہشمند نوجوانوں کی تنظیموں اور اسپورٹس کلبوں کے ذمہ داردرخواست کا نمونہ حاصل کرنے کے لئے کاروار کے پرانے ضلع پنچایت دفتر کے پہلے منزلے پر واقع ضلع یوتھ سینٹر کے کورآرڈینیڑ سے ملاقات کریں یا پھر فون نمبر 9958325151 /9449992195پر رابطہ قائم کرسکتے ہیں۔