پلوامہ حملہ: اب آندھرا پردیش کے وزیراعلیٰ چندرا بابو نائیڈو نے مودی حکومت کو گھیرا، کہا، قومی سلامتی خطرے میں ہے

Source: S.O. News Service | By Shahid Mukhtesar | Published on 21st February 2019, 12:16 AM | ملکی خبریں |

حیدرآباد، 20 فروری(ایس او نیوز؍آئی این ایس انڈیا) پلوامہ دہشت گردانہ حملے کو لے کر پاکستان کے وزیر اعظم عمران خان کے بیان پر رد عمل ظاہر کرتے ہوئے آندھرا پردیش کے وزیراعلیٰ این چندرا بابو نائیڈو نے مرکز کی مودی حکومت پر نشانہ لگایا ہے۔

نائیڈو نے کہا کہ ان کے (عمران) بیان سے کئی طرح کی شکوک پیدا ہوئے ہیں۔وزیراعلی نے یہ بھی کہا کہ حکمراں پارٹی کی نااہلی کی وجہ سے قومی سلامتی خطرے میں ہے۔انہوں نے کہا کہ بی جے پی لیڈر اپنی حرکتوں سے ملک کو نیچا دکھا رہے ہیں۔بتا دیں کہ نائیڈو سے پہلے اپوزیشن کے کئی لیڈر اس معاملے پر مرکزی حکومت کو گھیر چکے ہیں۔

پلوامہ دہشت گردانہ حملے پر رد عمل ظاہر کرتے ہوئے نائیڈو نے کہاکہ ہم صرف ذاتی مفاد کے لئے ملک کی سلامتی کو خطرے میں ڈالنا برداشت نہیں کریں گے،ہم سیاسی فائدے کے لئے فوج سے کھلواڑ بھی برداشت نہیں کریں گے،دہشت گردانہ حملوں کے خلاف سخت کارروائی ہونی چاہئے۔ بتا دیں کہ عمران خان نے منگل کو ایک بیان میں پلوامہ حملے میں پاکستان کے ہاتھ کو صاف طور پر مسترد کیا۔

عمران نے کہا کہ ہندوستان نے بغیر کسی ثبوت کے اسلام آباد پر الزام لگایا ہے۔انہوں نے کہا کہ اگر ہندوستان پاکستان پر فوجی کارروائی کرے گا تو وہ بھی ایسی ہی جوابی کرے گا کہ جنگ روکنا مشکل ہو جائے گا۔اپنے کچھ دیر کے خطاب میں عمران نے دہشت گردی کارڈ کھیلتے ہوئے ایک بار پھر کشمیر راگ الاپا۔اس سے پہلے پلوامہ معاملے کو لے کر مرکز پر نشانہ لگاتے ہوئے سماج وادی پارٹی لیڈر ابو اعظمی نے کہا تھا کہ یہ حکومت الیکشن جیتنے کے لئے کچھ بھی کر سکتی ہے۔وہیں مغربی بنگال کی وزیر اعلی ممتا بنرجی نے بھی پلوامہ دہشت گردانہ حملے کے وقت پر سوال کھڑے کرتے ہوئے جاننا چاہا تھا کہ کیا حکومت ایسے میں جنگ کرنا چاہتی ہے جبکہ لوک سبھا انتخابات کی آہٹ سنائی دے رہی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...