بھٹکل میں انسداد بدعنوانی بیورو کے زیر اہتمام عوامی رابطہ میٹنگ : رشوت خوری کے ازالے میں عوامی تعاون لازمی : ایس پی شُرتی کا بیان

Source: S.O. News Service | By Abu Aisha | Published on 13th August 2018, 10:10 PM | ساحلی خبریں |

بھٹکل:13/ اگست (ایس اؤ نیوز)ضلع انسداد بدعنوانی بیورو پولس تھانہ اترکنڑا کاروار کے زیر اہتمام پیر کو سرکٹ ہاؤس میں بد عنوانی ،رشوت خوری کے ازالے اور عوامی رابطہ میٹنگ  انسداد بدعنوانی دستہ کی ضلع ایس پی کماری شرتی کی صدارت میں منعقد ہوئی۔

اس موقع پر ضلع ایس پی نے بات کرتے ہوئے کہاکہ عوام اگر بیدار ہوں تو بدعنوانی اور رشوت خوری کا ازالہ ممکن ہوسکتاہے۔ تعلقہ میں رشوت خوری اور بدعنوانی کے جوبھی معاملے یا شکایت ہوں تو بیورو کو جانکاری دینےکی اپیل کی۔ میٹنگ میں آٹو ڈرائیور گنپتی نائک نے بات کرتے ہوئے کہاکہ مٹھلی گرام پنچایت کے حدود  کی سڑک تعمیر میں گھپلہ ہواہے ، 1کروڑ 29لاکھ روپیوں سے تعمیر کردہ سڑک صرف 6مہینے میں خستہ ہوگئی ہے، اس سلسلے میں انہوں نے جانچ کا مطالبہ کیا تو ایس پی شرتی نے تحریری درخواست دینے پر مکمل جانچ کا تیقن دیا۔

 آٹو سنگھا کے ممبر پرمیشور نائک نے آرٹی اؤ افسران پر رشوت خوری کا الزام عائد کرتے ہوئے کہاکہ آرٹی اؤ کے افسران لائسنس کی تجدیدکاری، بیاڈج سمیت دیگر منظوری کے لئے عوام سے بےتحاشہ رشوت کی مانگ کرتے ہیں ایسے افسران کے خلاف قانون کے مطابق کارروائی کی جانی چاہئے۔ بلدیہ ممبر وینکٹیش نائک نے بتایا کہ  ٹی وی میڈیا ، اخبارات میں ضلع کے کئی گھپلوں کی خبر شائع ہوتی رہتی ہے ، اس سلسلے میں بھی بیور و کو توجہ دینے کی درخواست کی ساتھ ساتھ  اس بات کا الزام لگایا کہ بھٹکل میں  بلدیہ دکانوں کی نیلامی میں بہت ساری بدعنوانی ہوئی ہے، جس کی جانچ ہونی چاہئے۔ اس موقع پر میٹنگ میں دستہ کے سرکل انسپکٹر رمیش اور دیگر افسران ، آٹو سنگھا کے ممبران ، عوام کثیر تعداد میں شریک تھے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...