بھٹکل 16/جنوری (ایس او نیوز) بھٹکل کا قومی تعلیمی ادارہ انجمن حامئی مسلمین کا سالانہ جلسہ مورخہ 21 جنوری بروز اتوار صبح 10:30 بجے انجمن جوکاکو شمس الدین میموریل بلڈنگ میں منعقد کیا گیا ہے جس میں سالانہ آڈٹ شدہ حسابات برائے سال 2016 / 2017 پر مشتمل سالانہ رپورٹ پیش کیا جائے گا۔ جلسہ میں ممبران کو انجمن کی کارکردگی و سالانہ رپورٹ مع حسابات پر وضاحت طلب کرنے کا بھی موقع دیا جائے گا۔اس موقع پر ممبران اپنے زرین مشوروں اور تجاویز سے بھی نواز سکتے ہیں۔
جنرل سکریٹری جناب اسماعیل صدیق نے پریس ریلیز جاری کرتے ہوئے انجمن کے تمام ممبران سےاس جلسہ میں شریک ہونے کی درخواست کی ہے۔ اس تعلق سے انہوں نے اس بات کی وضاحت کی ہے کہ سالانہ عام جلسوں میں شرکت کے لئے بقایا ممبری چندہ ادا کرنا لازمی ہے۔ انہوں نے ممبران سے اس بات کی بھی درخواست کی ہے کہ جو ممبران انجمن کے متعلق اپنا استفسار چاہتے ہوں یا آڈٹ رپورٹ دیکھنا چاہتے ہوں تو وہ سالانہ جلسہ سے تین روز قبل تحریری طور پر وجوہات بیان کرتے ہوئے اپنی درخواست انجمن آفس پہنچائیں، تاکہ تحقیق کے بعد جواب دیا جاسکے۔