بھٹکل کمیونٹی جدہ کا سالانہ جلسہ؛ ممبران کی کثیر تعداد میں شرکت

Source: S.O. News Service | By I.G. Bhatkali | Published on 7th October 2018, 9:06 PM | خلیجی خبریں |

جدہ 7/اکتوبر (ایس او نیوز/موصولہ رپورٹ ) جمعرات کی شام جماعت ہا ل میں دستوری سالانہ اجلاس منعقد ہوا جس میں جماعت کی ایک سالہ  کارکردگی رپورٹ  اور آمد و خرچ و بجٹ 1440  پیش کیا  گیا۔ رپورٹ کو سماعت کرنے کے بعد ممبران جماعت نے  ایک سالہ کارکردگی کو خوب سراہا۔ اور 1440 کا بجٹ بھی منظور کیا گیا۔ رپورٹ کی پیشی کے بعد آئندہ سال کے لائحہ عمل پر  غور کیا گیا۔

ممبران کے اجلاس میں عشائیہ کا بھی اہتمام کیا گیا تھا۔ صدارتی خطبہ میں جناب  محمد  یٰسین عسکری نے  خلیج کے  بدلتے حالات پر روشنی ڈالی اور ممبران   سے مخاطب ہوتے ہوئے کہا کہ وہ  اپنے بچوں  کو  فنی مہارت  کے کورسس میں داخلہ دلانے پر زور دیا۔ انہوں نے   سیول سرویس   کی اہمیت پر گفتگو کرتے ہوئے اسے عصر حاضر کی ضرورت قرار دیا اور کہا کہ ہم اپنے بچوں کو سیول سرویس میں   داخلہ لینے کے لئے اکسائیں اور انہیں شروعات سے ہی اس تعلیم پر زور ڈالیں۔

اجلاس  کا  اغاز مولوی  قطب برماور کی پُر کشش آواز میں  کلام پا ک کی تلاوت مع ترجمہ سے ہوا ۔ جماعت کے جنرل سکریٹری حبیب اللہ محتشم نے  ممبران کا استقبال   کیا ۔ جناب اُسامہ ابن فضل الرحمن منیری نے    خو ش کن آواز میں  نعت پڑھکر سنایا۔ سعودی  عربیہ کے بدلتے  حالات کو دیکھتے ہوئے  جماعت کی ذیلی کمیٹی  کیرئیر  گائڈنس کے کنوینر جناب نوید ائیکری نے ایک خوبصورت سا  پاور پوائینٹ پریزنٹیشن  پیش کیا اس میں   ہندوستان میں معاش کے  درپیش وسائل کا   بڑی خوبصورتی کے ساتھ احاطہ کیا گیا تھاممبران نے اس کمیٹی کے ذریعے پیش کئے گئے پرزینٹیشن کو خوب سراہا ۔

دُعائیہ کلمات کے ساتھ جلسہ اختتام پذیر ہوا ۔

ایک نظر اس پر بھی

ایران میں گرفتار اُترکنڑا کے ماہی گیروں کی فوری رہائی کا مطالبہ کرتے ہوئے کرناٹکا این آر آئی فورم کا دبئی میں ہندوستانی سفارت کار سے ملاقات

  ریاست کرناٹک کے ضلع اُترکنڑا کے 18 ماہی گیروں کی ایران میں گرفتاری کے بعد اُن کی رہائی کی کوششیں تیز ہوگئی ہیں۔ اس تعلق سے تازہ اطلاع یہ ہے کہ  دبئی میں موجود ماہی گیروں کے رشتہ داروں نے  کرناٹکا این آر فورم کے  اہم ذمہ دار اور قائد قوم جناب ایس ایم سید خلیل الرحمن صاحب سے ...