کمٹہ:فاروقی محلہ جماعت المسلمین کے سالانہ جلسے کا انعقاد: طلبا کابہترین ثقافتی پروگرام
کمٹہ:23/ فروری (ایس اؤنیوز)فاروقی محلہ جماعت المسلمین کا سالانہ جلسہ بروز جمعرات 22فروری کوبعد نماز عشاء کمٹہ تعلقہ کے کگال کی فاروقی جمعہ مسجدسے متصل میدان میں منعقد ہوا۔
سالانہ جلسہ کی ابتداء عبدالرحمن کی تلاوت قرآن سے ہوا۔ اس کے بعد مقامی طلبا کی طرف سے قرأت ، نظم اور احادیث کو پیش کیا گیا۔ کمٹہ جمعہ مسجد کے امام وخطیب مولانا منت اللہ قاسمی نے مہمان خصوصی کی حیثیت سے خطاب کرتے ہوئے جماعت کی کوششوں کی ستائش کی اور طلبا کو مبارکبادی پیش کرتے ہوئے انہیں اسلامی خطوط پر آگے بڑھنے کی ترغیب دی۔ ونلی جمعہ مسجد کے مفتی مولانا ذکریا ندوی اور دیگر حضرات نے نبی ﷺ کی سیرت پر روشنی ڈالتے ہوئے شریعت پر عمل کرنے کی بات کہی۔ فاروقی محلہ جماعت المسلمین کمٹہ کے صدر حسین پوسگے نے جلسہ کی صدارت کی۔ علی تانجی نے استقبال کیا تو ایوب بکبا اور محمد غوث نے نظامت کے فرائض انجام دئیے۔ اقبال تڈدیکر نے شکریہ کلمات ادا کئے۔ اس موقع پر جماعت المسلمین کے قاضی مولانا عبدالرحمن ڈانگی ، حافظ حسین کوااور دیگر حضرات ڈائس پر موجود تھے۔