بھٹکل انجمن ہائی اسکولوں کا مشترکہ سالانہ اجلاس : خُبیب احمد اکرمی اور ثاقب احمد ’وقار اسلامیہ ‘اور ’وقار انجمن ‘

Source: S.O. News Service | By Abu Aisha | Published on 10th January 2019, 8:54 PM | ساحلی خبریں |

بھٹکل:10؍ڈسمبر (ایس او نیوز) ہر سال کی طرح امسال بھی انجمن ہائی اسکول کے سب سے ذہین طلبا کو گولڈ میڈل سے نوازا گیا، جن میں  انجمن اسلامیہ اینگلو اردوہائی اسکول بھٹکل کے خبیب احمد ابن مولانا خواجہ معین الدین اکرمی  مدنی کو ’’وقارِ اسلامیہ ‘‘ گولڈ میڈل اور  انجمن بوائز ہائی اسکول  بھٹکل کےثاقب احمد ابن عبدالرزاق کو ’’ وقارِانجمن ‘‘  کے گولڈ میڈل سے سرفراز کیا گیا۔  ان  دونوں طلبا کو مشترکہ طورپر منعقدہ 79 ویں سالانہ جلسہ میں  توصیفی سند کے ساتھ اعزاز  بخشا گیا۔

انجمن ہائی اسکولوں کی طرف سے اپنے یہاں زیر تعلیم طلبا میں سے پچھلے تین برسوں سے علمی، ثقافتی اور کھیل کے میدان میں بہترین کارکردگی کا مظاہرہ کرنے والے کسی ایک متعلم کووقار اسلامیہ اور وقار انجمن  گولڈ میڈل اور توصیفی سند سے نوازا جاتا ہے۔ طلبا کی زندگیوں میں یہ مرحلہ تاریخی حیثیت رکھتاہے۔ مگر جب انجمن حامئی مسلمین بھٹکل کے صدسالہ جشن کےموقع پر منعقدہ سالانہ جلسے میں اس طرح کا ایوارڈ حاصل کرنا خبیب احمد اکرمی اور ثاقب احمد دونوں کے لئے  تاریخی حیثیت کا حامل ہے۔

اترکنڑا ضلع کے ضلع پنچایت چیف ایگزکیٹیو آفیسر (آئی اے ایس)  محمد روشن نے جلسے میں اعزازی مہمان کی حیثیت سے خطاب کرتے ہوئے کہاکہ تعلیم سے ہرایک کو عزت و مساوات ملتا ہے،  مذہب، زبان ، ذات کی تفریق کئے بغیر ہر ایک کو یکساں طورپر تعلیم ملنی چاہئے۔ جو قوم تعلیم حاصل نہیں کرتی وہ کبھی ترقی نہیں کرسکتی۔ انہوں نے  طلبا کو مشورہ دیا کہ وہ  ہمیشہ اپنے اساتذہ کا احترام کریں، والدین کے بعد اساتذہ کرام کا ہی درجہ ہے۔ اس موقع پر طلبا سے مخاطب ہوتے ہوئے محمد روشن نے اپنے آئی اے ایس کے دوران پیش آئے واقعہ کو سناتے ہوئے کہاکہ پہلی مرتبہ جب آئی اے ایس کا  امتحان دیا تو صرف ایک مارکس سے ناکام ہواتو اسی کو ایک چیلنج کی حیثیت  سے لیتے ہوئے   سال  2015میں دوبارہ  امتحان دیا تو پورے ملک میں 48ویں رینک کے ساتھ اعلیٰ درجے کی کامیابی حاصل کی۔ تو طلبا ناکامی کو کامیابی کا پہلا زینہ مان کر ہمت و حوصلہ سے آگے  بڑھیں تو ترقی حاصل ہونا ممکن ہے۔

سابق وزیر تعلیم، رکن ودھان پریشد بسوراج ہورٹی نے مہمان خصوصی کے طورپر خطاب کرتے ہوئے کہاکہ آج کے دور میں اخلاق و اقدار نہیں کے برابر ہیں، ان حالات میں اساتذہ کو چاہئے کہ وہ اپنے تدریس کے دوران طلبا میں اخلاق کی طرف خاص دھیان دیں۔ اساتذہ کسی بھی مضمون کو کیوں نہ پڑھائیں اپنی کلاس کے آخر میں 5 منٹ ہی سہی   اخلاقی تعلیم ضرور دیں۔ اس موقع پر انہوں نے انجمن کی تعلیمی خدمات کی ستائش کرتے ہوئے کہاکہ انجمن گزشتہ سوبرسوں سے تعلیمی میدان میں جو خدمات انجام دے رہا ہے  وہ ملک کی بہترین خدمت ہے۔

انجمن حامئی مسلمین بھٹکل کے صدر عبدالرحیم جوکاکو نے جلسے کی صدارت کی۔ انجمن ہائی اسکول بورڈ سکریٹری عبدالواجد کولا نے استقبال کیا ۔ استاد نذیر احمد ہلویگر نے مہمانوں کا تعارف پیش کیا۔ اسلامیہ اینگلو اردوہائی اسکول کے صدر مدرس شبیر احمد دفعدار اور انجمن بوائز ہائی اسکول کے صدر مدرس عبداللہ رکن الدین نے اپنے اپنے اسکولوں کی  سالانہ رپورٹ پیش کی۔  استاد مولانا عبدالحفیظ مفتاحی نے شکریہ اداکیا۔ ڈائس پر بلاک ایجوکیشن آفسر  منجی ایم آر، انجمن جنرل سکریٹری اسماعیل صدیق، مرکزی خلیفہ جماعت المسلمین بھٹکل کے چیف قاضی مولانا خواجہ معین الدین اکرمی ندوی مدنی وغیرہ موجود تھے۔

ایک نظر اس پر بھی

بھٹکل میں موسلادھار بارش؛ بندر روڈ پر کمپاونڈ کی دیوار گر گئی؛ بائک کو نقصان؛ بارش سے دو بجلی کے کھمبوں پر بھی درخت گرگئے

شہر میں گذشتہ کچھ دنوں سے بارش  کا سلسلہ جاری ہے، البتہ  پیر اور منگل کی درمیانی شب سے  آج منگل شام تک کافی اچھی بارش ریکارڈ کی گئی ہے، ایسے میں  شام کو  ایک مکان کے کمپاونڈ کی دیوار گرنے کی واردات بھی پیش آئی ہے۔

کاروار میں کرناٹکا جرنالسٹ یونین اترکنڑا کے زیراہتمام یکم جولانی کو ہوگا یوم صحافت کا ضلعی پروگرام

کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔