اناہزارے پھربی جے پی سرکارسے مطمئن،بھوک ہڑتال ختم کی

Source: S.O. News Service | By Jafar Sadique Nooruddin | Published on 6th February 2019, 2:50 AM | ملکی خبریں |

رالے گن سدھی:5 /فروری (ایس اونیوز /آئی این ایس انڈیا)کانگریس کے اقتدارمیں زمین آسمان ایک کرنے ولے اناہزارے پانچ دن میں ہی بی جے پی کی یقین دہانی سے مطمئن ہوگئے ہیں اوراپنی ہڑتال ختم کرلی ہے ۔لوک پال کی مانگ کو لے کر سماجی کارکن انا ہزارے کی بھوک ہڑتال منگل کو ختم ہوگئی ہے۔ رالے گن سدھی گاؤں میں انشن پر بیٹھے انا ہزارے سے منگل کو وزیر زراعت رادھاموہن سنگھ، مہاراشٹر کے وزیراعلیٰ دیویندر فڑنویس اور مرکزی وزیر سبھاش بھامرے نے ملاقات کی۔ 31 جنوری سے بھوک ہڑتال پر بیٹھے اناہزارے سے پہلی بار کسی لیڈر نے ملاقات کی ہے۔ اس کے بعد انہوں نے اپنی بھوک ہڑتال ختم کردی ہے۔فڑنویس نے کہاہے کہ انا ہزارے کے مطالبات پرسنجیدگی کے ساتھ غور کیا جائے گا۔لوک آیکت قانون سے ملک کو نیا راستہ مل جائے گا۔اس سے چھوٹے شعبوں میں بدعنوانی رکے گی ۔ اس کے بعد انا ہزارے بھوک ہڑتال ختم کرنے پر اتفاق کیا ہے۔اس موقع پر دیویندر فڑنویس نے کہا کہ ہم نے فیصلہ کیا ہے کہ لوک پال سرچ کمیٹی 13 فروری کومیٹنگ کرے گی اور سپریم کورٹ کی ہدایات پر عمل کیا جائے گا۔ ایک جوائنٹ کمیٹی کی تشکیل کی گئی ہے، یہ ایک بل تیار کرے گی اور اسے اگلے سیشن میں لایا جائے گا۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔