انکولہ بلدیہ پر کس کا قبضہ :آزاد امیدواروں کے بھروسے کانگریس اور بی جےپی

Source: S.O. News Service | By Abu Aisha | Published on 8th September 2018, 6:22 PM | ساحلی خبریں |

انکولہ:8/ستمبر(ایس اؤ نیوز) انکولہ بلدیہ پر قبضہ جمانے کے لئے بی جےپی اور کانگریس کےدرمیان سخت مقابلہ آرائی ہے۔ اقتدار سنبھالنے کے لئے بلدیہ کےکل 23وارڈوں میں سے 10نشستوں پر جیت حاصل کرنےو الی کانگریس کو تین سیٹوں کی ضرورت ہے۔ اسی طرح 8ممبران والی بی جے پی کو رکن اسمبلی اور رکن پارلیمان کا ایک ایک ووٹ حاصل ہے تو اس کو بھی 3 سیٹ چاہئے۔ دونوں پارٹیاں 3ووٹوں کے لئے تلاش جاری رکھے ہوئے ہیں، ایسے میںآزاد امیدوار کی حیثیت سے منتخب ہوئے 5ممبران کی مانگ بڑھ گئی ہے۔ وہیں گومگو کی حالت میں آزاد امیدوار کسی پارٹی پر بھی اعتماد نہ جتاتے ہوئے ادھرسے ادھر گھومتے رہنے پر خود پارٹیاں حیرت میں ہیں۔

وارڈ نمبر 2سے منتخب ہونےو الی خاتون ممبرتارا سریش نائک بی جے پی اور کانگریس کے لیڈران سے رابطہ  کرنے والی تصاویر سوشیل میڈیا میں وائر ل ہوگئی ہیں۔ ایک تصویر میں رکن اسمبلی روپالی نائک کے ہاتھوں  تارا سریش نائک کی شال پوشی کی زعفرانی تصویر ہے تو دوسری طرف تعلقہ پنچایت کی صدر سجاتا گاؤنکر کے ساتھ تارا سریش نائک  گلے میں پھولوں کا ہار پہنے ہوئے نظر آرہی ہیں۔ دونوں پارٹیاں آزاد امیدوار تارانائک کی ہمیں حمایت حاصل ہونےکی بات  کہہ رہی ہیں، لیکن ابھی تارا نائک اپنی زبان نہیں کھولی ہے جس کی بنا پر کسی فوٹو پر بھی اعتماد کرنا مشکل ہورہاہے۔

بقیہ آزاد امیدوار وں کے ساتھ بات چیت ہوئی ہے ہمیں ضرورت والے 3ممبران کی حمایت حاصل ہونے کا بی جے پی دعویٰ کر رہی ہےتو دوسری طرف کانگریس بلدیہ پر قبضہ ہمارا ہی کہہ رہی ہے۔ اس درمیان دونوں کشتیوں پر سوار آزاد امیدوار کیا ساحل پہنچیں گے دیکھنا دلچسپ ہوگا۔

ایک نظر اس پر بھی

مینگلور کے قریب بنٹوال میں نابالغہ کی عصمت دری کی کوشش : تین ملزم گرفتار

چہارم جماعت میں زیر تعلیم نابالغہ کی عصمت دری کی کوشش کئے جانے کا واقعہ بنٹوال تعلقہ پانے منگلورو کے قریب گوڈینبلی میں پیش آیاہے۔ اس سلسلے میں بنٹوال شہری تھانہ پولس نےمعاملے کو لےکر تین ملزموں کو گرفتار کیا ہے۔

ہانگل کے ہیرور میں ہوئے تشدد کے واقعات اور غریب مسلمانوں کی گرفتاریوں کے بعد اے پی سی آر ٹیم نے کیا ہانگل دورہ؛ ایس پی سے کی ملاقات

ضلع ہاویری کے ہانگل تعلقہ کے ہیرور میں گنیش تہوار کے دوران ہوئے تشدد کے واقعات کے بعد  کئی غریب مسلمانوں کی گرفتاریوں نیز کئی مسلمانوں کے  تشدد میں زخمی ہونے  کی اطلاعات کے بعد  اے پی سی آر (اسوسی ایشن فور پروٹیکشن آف سیول رائٹس) کی ایک ٹیم  ہانگل پہنچی اور متاثرہ علاقہ کا ...

کیا یلاپور کے رکن اسمبلی ہیبار کودی جائے گی وزارت ؟ کیا دیش پانڈے کو ملے گا لوک سبھا کاٹکٹ ؟ ضلع کی سیات میں ہورہی ہے زبردست ہلچل

یلاپور کے کانگریس رکن اسمبلی شیورام ہیبار وزارت کے لئے شروع کی گئی کسرت کے نتیجے میں ضلع کی سیاست میں ہلچل پیدا ہوگئی ہے۔ دوسری مرتبہ رکن اسمبلی کے طورپر منتخب ہونے والے شیورام ہیبار ، وزارت کے لئے بضد معلوم ہوتےہیں۔ انہیں مطمئن کرنے کےلئے کانگریس کے سنئیر وزیر دیش پانڈے کو ...