انکولہ:13/ نومبر (ایس اؤنیوز)اسی سال 4اکتوبر کو ہوناور کے پرمیلا وائنس میں قتل ہوئے سرسی ڈپو کے کے ایس آر ٹی سی ڈرائیور منجوناتھ کی بیوی شانتا منجوناتھ نایک (39)نے شوہر کی ہلاکت کا غم نہ سہتے ہوئے خودکشی کے ذریعے ہلاک ہونے کا واقعہ انکولہ تعلقہ کے موگٹا دیہات میں پیش آیاہے۔ پولس نے جائے وقوع پائے گئے ڈیتھ نوٹ کو ضبط کرلیا ہے۔

کاروار کے چتاکول سے کی باشندہ شانتا منجوناتھ نایک ہوناور کے سینٹ اگنیشیس اسپتال میں بطور نرس خدمات انجام دے رہی تھیں۔شانتا نے 4 سال پہلے موگٹا کے منجوناتھ نایک کے پیار میں گرفتار ہوکر شادی رچائی تھی۔ اولاد نہ ہونےسے شانتا پہلے ہی ذہنی دباؤ کا شکار تھیں ایسے میں شوہر کے قتل سے مزید رنجیدہ ہوگئی۔ اپنے مقتول شوہر سے انصاف کا مطالبہ لے کر ہوناور میں پریس کانفرنس کے ذریعے پوری سچائی کو بیان کیا تھا اور بتایا تھا کہ قتل کو انجام دینے والے ملزمان اور افسران کی ملی بھگت سے قتل سے بچنے کی سازش رچے ہوئے ہیں۔ بھری پریس کانفرنس میں شانتا نے کہا تھا کہ اگر اس کے شوہر کے ساتھ انصاف نہیں کیا گیا تو وہ خودکشی کی دھمکی بھی دی تھی۔ اس دوران قاتل گرفتار ہوئے بغیر اپنی طاقت کا بھرپور مظاہر ہ کیا تھا۔ اپنے شوہر کے ساتھ انصاف نہیں ہونے کے شبہ میں اپنی ہی اوڑھنی کے ذریعے خود کشی کئے جانے کی اطلاعات موصول ہوئی ہیں۔ ڈی وائی ایس پی پرمود راؤ این ٹی ، سی پی آئی بسپا بُرلی سمیت پولس افسران نے جائے واردات کا معائنہ کرنےکے بعد جانچ کررہے ہیں۔