انکولہ میں غیرقانونی ریت سپلائی کا الزام : 2کشتیاں ضبط
انکولہ:19/جون (ایس اؤنیوز)تعلقہ کے واسرکودرگی گرام پنچایت حدود کے کوڈسنی برج کے آس پاس جاری مبینہ طور پر غیر قانونی ریت سپلائی میں مشغول دو کشتیوں کواتوارکو پولس بندوست کے ذریعے مقامی تحصیلدار وویک شنوئی کی قیادت میں ضبط کرلئے جانے کا واقعہ پیش آیاہے۔
کوڈسنے برج کے قریب سنیچر کو غیر قانونی ریت سپلائی میں مصرو ف دیکھے گئے دو بوٹوں کو اسسٹنٹ کمشنر رمیش کلسد اور عملے نے چھاپہ مار کر ریت سے لوڈ ایک کشی اور ایک کشتی کو ضبط کرلینےکے بعد کیس درج کیا تھا۔ ریت کے ٹھیکدار منکالو گوڈا کے فلیٹ پر یہ دونوں کشتیاں رکھنے کے لئے حکم دیا گیا تھا۔ کشتیوں کے وارث معاملے کو لے کر کوئی توجہ نہیں دینے کی وجہ سے اتوار کو مقامی تحصیلدار نے جب اپنی تحویل میں لے کر آگے بڑھنےکی کوشش کی تو مقامی عوام نے اس پر اعتراض جتایاتو کچھ دیر کے لئے ماحول کشیدہ ہوگیا تھا۔ حالات کے پیش نظر تحصیلدار مقامی پولس تھانہ کو رابطہ کرتے ہوئے بندوبست کے لئے پولس عملہ بلا بھیج کر 2کشتیوں کو اپنی تحویل میں لیا۔ مقامی ذرائع سے ملی اطلاع کے مطا
بق یہ دونوں کشتیاں رویند رگوڈا اور ناگیش گوڈا کی بتائی گئی ہے۔
مقامی عوام نے مقامی انتظامیہ کی کارروائی پر سخت اعتراض جتاتے ہوئے کہاہے کہ سرکاری منصوبہ جات کے تحت ٹائلٹ اور گھر وں کی تعمیر کے لئے تھوڑی سی ریت کی ضرورت تھی اسی کے لئے جب ریت لے جارہے تھے تو چھاپہ مار کر کشتیاں ضبط کرلی گئی ہیں۔ جب کہ پاس کے واسرکودرگی میں کئی کشتیوں کے ذریعے بڑے پیمانے پر غیر قانونی طریقے سے ریت سپلائی جارہی ہے وہاں کوئی کارروائی نہیں کی جارہی ہے۔ امیروں اور بڑے لوگوں کو چھوڑ کر ہم غریبوں پر برہماستر استعمال کئے جانے پر مقامی انتظامیہ کے خلاف اپنی برہمی کا اظہارکیا۔
