ممبئی سے مینگلور جانے والے بس مسافر کے 15لاکھ روپئے لے کر چور فرار؛ انکولہ میں ہوئی واردات
انکولہ:14/ مارچ (ایس اؤنیوز)ممبئی سے منگلور جانےو الے بس مسافر کے 15لاکھ روپئے چوری ہونے کا واقعہ انکولہ میں پیش آیاہے۔
موصولہ اطلاعات کے مطابق منگلورو کے جیولری بیوپاری اجئے پوار 15لاکھ روپیوں کے ساتھ ممبئی سے منگلوروبذریعہ بس سفر کررہے تھے۔ بس انکولہ کے ایک خانگی ہوٹل پر کھانے کے لئے رکی تھی ، اسی موقع کا فائدہ اٹھاتے ہوئے چور نے اجئےپوار کے 15لاکھ روپئے نقد لےکر فرار ہوگئے۔
بتایا جارہاہےکہ نقد رقم منگلورو کے راجیندر پوار نامی جیولری کی ہے۔معاملے کو لےکر ابھی تک کسی کی گرفتاری عمل میں نہیں آئی ہے۔ انکولہ پولس تھانے میں کیس درج کرلینےکے بعدپولس چھان بین میں جٹی ہوئی ہے اور ہوٹل مالک سے سی سی ٹی وی فوٹیج کی درخواست کی ہے۔
