بھٹکل: 29؍اکتوبر (ایس او نیوز) انجمن حامئی مسلمین بھٹکل کے صد سالہ جشن کے متعلق انجمن انسٹی ٹیوٹ آف ٹکنالوجی اینڈ مینجمنٹ (اے آئی ٹی ایم ) کے زیراہتمام پی یوسی طلبا کے لئے  ’اسٹم 18‘کے عنوان پر 5نومبر 2018کو ایک روزہ فسٹ انعقاد کیا جائے گا۔

کالج پریس ریلیز کے مطابق ایک روزہ فسٹ ’اسٹم 18 ‘چار اہم سرگرمیوں پر مشتمل ہے۔ پائی ریٹ، ماڈل ایکسپو، ٹک روڈیز اور راوین کلا کے طورپر چار زمروں میں تقسیم کیاگیا ہے۔ پائی ریٹ میں جو ٹیمیں شرکت کریں گے فی ٹیم   2طلبا پر مشتمل  ہوگی، جہاں  طلبا کا  بنیادی ریاضی اور تجزیاتی مہارت (انالیٹکل اسکل) پر صلاحیت کا امتحان ہوگا۔ ماڈل ایکسپو میں صرف پی یوسی سائنس کے طلبا ہی شرکت کریں گے ۔ فی ٹیم 2سے 4طلبا پر مشتمل ہوگی۔ راوین کلا کے پہلے مرحلے میں طلبا کی آئی کیو جانچ جائے گی ۔ دوسرے اور تیسرے مرحلے میں جام اور ہنٹ کے ایونٹس ہونگے۔ ٹیک روڈیز  ایک قسم کی زور آزمائی کی سرگرمیوں پر مشتمل ہوگی جہاں ہر ایک ٹیم میں 2سے 4طلبا شامل ہونگے۔

پریس ریلیز میں پی یوسی طلبا سے اپیل کی گئی ہے کہ وہ اس فسٹ میں شوق وذوق کے ساتھ شرکت کرتے ہوئے اپنی صلاحیتوں، قابلیتوں اور مہارت کا ثبوت پیش کرسکتے ہیں۔ اس سنہرے موقع سے استفادہ کرتے ہوئے اپنے مستقبل کو روشن بنانے کے لئے راہیں ہموار کرنے کی بات کہی گئی ہے۔ فسٹ کے سلسلے میں مزید جانکاری اور معلومات کے لئے فسٹ کوآرڈینیٹر س کے موبائل نمبرات 7022132915-8095708426اور 9404151144پر رابطہ کرنے کہاگیا ہے ۔