انجمن کالج کی طالبات نے حاصل کیا کامرس میں یونیورسٹی رینک
بھٹکل6؍اکتوبر (ا یس او نیوز)انجمن ویمنس کامرس کالج بھٹکل کی طرف سے جاری کیے گئے ایک بیان کے مطابق مئی ؍جون ۲۰۱۸ ء میں ہوئے بی کام کے فائنل امتحان میں کالج کی طالبات نے یونیورسٹی سطح پر اول ، دوم اور ششم رینک پانے میں کامیابی حاصل کی ہے۔
اکّا مہادیوی ویمنس یونیورسٹی وجیا پورا نے جن نتائج کا اعلان کیا ہے اس کے مطابق انجمن ویمنس کامرس کالج کی فرحین دلکش بنت محمد امین ملانے 93.39%کے ساتھ اول، رابعہ بنت عبدالرزاق رکن الدین نے 90.36%کے ساتھ دوم اور فاطمہ جوہی بنت جعفر صادق شاہ بندری نے% 89.49کے ساتھ ششم رینک حاصل کیا ہے۔ اس بہترین کارکردگی پر کالج پرنسپال ، اساتذہ اور انتظامیہ کے عہدیداران نے طالبات کی ستائش کی ہے۔