بھٹکل:11/ نومبر (ایس اؤنیوز) انجمن انسٹی ٹیوٹ آف ٹکنالوجی اینڈ مینجمنٹ بھٹکل کے زیراہتمام بھٹکل اور نواحی پی یو کالج طلبا میں سائنسی شوق کو ترغیب دینے اور ان کے اندر چھپی تخلیقی صلاحیتوں کو عملی میدان میں پیش کئے جانے کی غرض و غایت سے بروز سنیچر 11نومبر بروز سنیچر کوکالج میں منعقدہ بعنوان ’’اسٹم ایکسپو2017‘‘ایک روزہ سائنسی نمائش و کوئز مقابلوں کا شاندار طریقے سے افتتاح کیاگیا ۔

انجمن حامئی مسلمین بھٹکل کے زیراہتمام تعلیمی میدان میں ایل کے جی سے لے کر انجنئیرنگ ، مینجمنٹ ،بی ایڈ جیسے مختلف ادارے چل رہے ہیں۔ جہاں طلبا کو ضروری تمام سہولیات سے آراستہ کیا گیا ہے تاکہ ہر ایک متعلم ان سے مستفید ہواور آگے بڑھے۔ معاشی کمزور ہونہار طلبا کے لئے تعلیمی وظائف میسر ہیں۔ طلبا یہاں جدید سہولیات سے استفادہ کرتے ہوئے اپنے کیرئیر کو روشن بناسکتے ہیں۔ دیگر شہروں اور کالجوں کی طرح یہاں تہذیبی آلودگی ،ماحولیاتی آلودگی  نہیں ہے بلکہ ہماری کالج ایسی تمام آلودگیوں سے  پاکیزہ ہے۔جب کہ دیگر جگہوں پر   مالس، پارکس کو جدیدیت کے نام پر طلبا کو تعلیمی میدان سے دور کیا جارہاہے۔ ایسی تمام خرابیوں سے یہاں کا ماحول پاک ہے اور ایک بہتر زندگی کی تعمیر کے لئے لازمی ماحول ہمارے ہاں موجود ہے ، ہر مذہب، دھرم،بھٹکل کے علاوہ ریاست و ملک کے تمام طلبا یہاں سے بھرپورتعلیمی فائدہ اٹھا سکتے ہیں ۔ آج کا یہ سائنسی نمائش کا مقابلہ ہی اس بات کا ثبوت ہے کہ ہم تعلیمی طورپر کس طرح عملی میدان میں ہیں۔

مہمان ِ خصوصی محسن شاہ بندری نے طلبا سے خطاب کرتے ہوئے کہاکہ  موجودہ دنیا میں ہورہی تخلیقی اکتشافات و ایجادات کے پس منظر میں طلبا اپنی طرزحیات کو تبدیل کرتے ہوئے ترقی کے منازل طئے کرنے کی بات کہی۔ انہوں نے کہاکہ موجودہ  اسکول اور کالجوں کا نصاب لمحہ بہ لمحہ بدلتی دنیا سے کافی دورہے ۔ طلبا کو اپنی ذاتی لیاقت کی بنیاد پر آگے بڑھنے کی بات کہی۔

سائنسی نمائشی  مقابلے میں 200سے زائد مختلف کالجوں کے طلبا و طالبات نے حصہ لیا۔ جس کوماڈل ایکسپو اور کوئزومینیا کے طورپر دو زمروں میں تقسیم کیاگیا تھا ۔ نمائش میں میکانکل قوت اور ہوائی قوت کو الکٹرکل قوت میں منتقل کرنے والا ماڈل ، لائی ڈٹکٹر، سالڈ ویسٹ مینجمنٹ، وائر لس پاور ٹرانس میشن ، وائر لس انرجی ٹرانسفر، سولار سائیکل ، ہائی ڈرالک ایکزاکاویٹر، جیو تھرمل پاور پلانٹ،ای ۔ کرشی ، سلف بیالنس اسکوٹر ، روبوٹکس، سی این سی مشین وغیرہ کے ماڈلس تجسس پیدا کرنےو الے تھے اور بالکل نئی دریافت کی راہ کا اشارہ دے رہے تھے۔

اسٹوڈنٹ کوآرڈینیٹر اسامہ عجائب نے اس موقع پر کہاکہ طلبا میں مخفی تخلیقی صلاحیتوں کا عملی مظاہرہ پیش کرنا ہی اس نمائش کا اہم مقصد ہے۔ شام میں  انعامی تقریب کےساتھ نمائش کا اختتام ہوا۔ افتتاحی تقریب میں انجمن کے نائب صدر عبدالرحمن باطنؔ، جنرل سکریٹری صدیق اسماعیل، ایڈیشنل جنرل سکریٹری محمد اسحق شاہ بندری ، کالج بورڈ سکریٹری ابوبکر قاسمجی ، نائب پرنسپا ل پال چندرا وغیرہ موجود تھے۔