رام نگرم حلقہ سے انیتا کمارسوامی کو بھاری اکثریت سے کامیابی

Source: S.O. News Service | By Shahid Mukhtesar | Published on 8th November 2018, 12:04 PM | ریاستی خبریں |

بنگلورو،8؍(ایس او نیوز) رام نگرم  ضمنی انتخابات میں جنتادل (سکیولر) و کانگریس امیدوار انیتا کمارسوامی نے اپنی جیت حاصل کرتے ہوئے کامیابی کاجھنڈا لہرایا ہے ۔

انیتا کمارسوامی نے اپنے حریف بھارتیہ جنتاپارٹی ( بی جے پی ) کے امیدوار ایل چندر شیکھر کو ایک لاکھ 9ہزار137ووٹو ں کی بھاری اکثریت سے شکست دی ہے ۔ انیتا کمارسوامی کو جملہ ایک لاکھ 25ہزار 43ووٹ حاصل ہوئے جبکہ بی جے پی امیدوار کو صرف 15ہزار 906ووٹ ہی مل پائے ۔ انیتاکمارسوامی کی سماجی خدمات اور ان کے حلقہ کے غریب و مستحق افراد اور کمزور طبقات کے لئے بلا تفریق مذہب وملت یکسوئی کے ساتھ ان کی ہمدردی نے انیتا کمارسوامی کو اپنے حلقہ میں رسوا ہونے نہیں دیااور ایک لاکھ سے بھی زائد ووٹوں کے فرق سے انیتا کمارسوامی کو جیت کاہار پہنا کر یہ ثابت کردیا کہ یہاں کے عوام ان کی خدمات کو کبھی فراموش کرنے والے نہیں ہیں اور نہ ہی ان کی خدمات کو روک سکیں گے ۔

جنتادل (سکیولر) اور کانگریس کے کئی اہم لیڈروں اور پارٹی کارکن کے علاوہ بی زیڈ ضمیراحمد خان،ڈی کے سریش ،ڈی کے شیوکمار کے ساتھ بی بی ایم پی وارڈ سطح تعمیری کاموں کی اسٹانڈنگ کمیٹی کے چیرمین و جنتادل (سکیولر ) کے جواں سال قائد عمران پاشاہ نے اپنے رفقاء و مقامی لیڈر اقبال حسین، سیدضیاء اللہ ، صابان صاحب ، سہیل، پرویز کے ہمراہ دن رات جدوجہد گزشتہ15دنوں سے تیز انتخابی مہم نے انیتا کمارسوامی کو کامیابی سے ہمکنار کیا ہے ۔

اس موقع پر عمران پاشاہ نے کہا کہ اقبال حسین، سید ضیاء اللہ صابان صاحب، سہیل پرویز سمیت دیگر مقامی لیڈروں، دونوں پارٹیوں کے کارکنوں، نوجوان ، خواتین کے ساتھ ساتھ حلقہ کے تمام اداروں تنظیموں ، کمیٹیوں اور رضاکارانہ تنظیموں کے عہدیداروں اور اراکین کی دن رات کی محنتوں کا نتیجہ ہے کہ انیتا کمارسوامی نے ایک آسان جیت درج کی۔

انہوں نے بتایا کہ مذکورہ لیڈروں نے اقلیتوں بالخصوص مسلم ووٹروں کو متحد کرکے ان کے حق میں ووٹ دے کر انیتا کمار سوامی کو کامیابی سے ہمکنار کیا۔عمران پاشاہ نے کہا کہ انتخابی مہم کے دوران حلقہ کے عوام نے انیتا کمارسوامی کو کامیاب کرنے کا جو وعدہ کیا تھا اس کو پورا کردکھایا ہے ۔ ان کا یہ احسان زندگی کی آخری سانس تک یاد رکھیں گے۔انہوں نے کہا کہ حلقہ میں بلامذہب و ملت یکسوئی اور حلقہ کی فلاح و بہبودی کے ساتھ انتخابی مہم کے دوران جو وعدے انہوں نے کئے ہیں انہیں رکن اسمبلی انیتا کمارسوامی کے ہمراہ ممکنہ حد تک پورا کرنے کی کوشش کریں گے ۔

انہوں نے حلقہ کے تمام ووٹروں بالخصوص مسلم ووٹروں کومبارکباد پیش کرتے ہوئے ان کے بھرپور تعاون پر شکریہ ادا کیا اور کہا کہ حلقہ میں مقیم غریب اور کمزور طبقات کی فلاح و بہبودی اور حلقہ کی مجموعی ترقی کے لئے جو عزائم ہیں ، انہیں حتی الامکان پورا کریں گے ۔جس کو وہ ایک چیلنج کے طور پرقبول کرتے ہوئے پورا کرنے کی کوشش کریں گے ۔یہاں درکار ہر طرح کی سہولتیں فراہم کرتے ہوئے آئندہ 5سال کی میعاد کے دوران رام نگرم حلقہ کودیگر حلقوں کے لئے ایک نمونہ کے طور پر پیش کرنے کی کوشش کریں گے ۔

ایک نظر اس پر بھی

مسلمان مجھے ووٹ دیں یا نہ دیں لیکن میرے لئے دعا ضرورکرتے ہیں: مرکزی وزیر سدانند گوڑا کا بیان

بنگلورو نارتھ حلقے کے موجودہ ایم پی اور مرکزی وزیر ڈی وی سدانند گوڑا نے یہاں اپنی انتخابی مہم شروع کردی ہے۔ حالانکہ  بی جے پی نے ابھی اپنے امیدواروں کے ناموں کا اعلان نہیں کیا ہے۔ لیکن ڈی وی سدانند گوڈا اپنے حلقے کے مختلف علاقوں کا دورہ کررہے ہیں اور آنے والے الیکشن میں بی جے ...

’’مودی ،نوٹوں کی طرح آئین بھی بدلنا چاہتے ہیں‘‘ کلبرگی میں راہل نے کھولی ’’میں بھی چوکیدار‘‘ مہم کی پول

  نریندر مودی نے جس طرح 500اور 1000 کے کرنسی نوٹوں کو منسوخ کیا اسی طرح اس ملک کے آئین کو بھی بدلنے کی کوشش کررہے ہیں ۔ان کے اس مشن کو کانگریس کامیاب نہیں ہونے دے گی۔اس بات کا الزام  کانگریس قائد راہول گاندھی نے کیا۔ راہول نے   الزام لگایا کہ ریزروبینک آف انڈیا کی منظوری کے بغیر ہی ...

دیشپانڈے نے شمالی کینرا سیٹ جنتادل ایس کے پاس گروی رکھ دی۔ کانگریس کارکنان کا الزام

ضلع شمالی کینرا کی سیٹ پر الیکشن لڑنے کے لئے کانگریس کے لئے ووٹ کرنے والوں کی اکثریت ہونے کے باوجود اس سیٹ کو جنتادل ایس کے لئے چھوڑ دینا اب شاید کانگریس پارٹی کے لئے بھاری پڑتا جارہا ہے، کیونکہ دن بہ دن پارٹی کے کارکنان میں بے چینی بڑھتی جارہی ہے اور وہ ضلع انچارج وزیر آر وی ...