انل بیجل اور کجریوال نے یوم آزادی کی مبارک باددی
نئی دہلی15اگست(ایس او نیوز؍آئی این ایس انڈیا)دہلی کے لیفٹیننٹ گورنر انل بیجل اور وزیراعلیٰ اروند کجریوال نے عوام کو 72 ویں یوم آزادی کی مبارک باد اور نیک خواہشات پیش کی ہے۔
مسٹرانل بیجل نے ٹویٹ کیاملک کے 72ویں یوم آزادی کے موقع پر میں سب کو دل سے مبارک باد اور نیک خواہشات کا اظہار پیش کرتاہوں۔آج ہم ملک کی آزادی کا جشن منا رہے ہیں۔ آئیے، ہم ان قربانیوں یاد کریں، جنہوں نے ہمیں آزادی دلانے کے لئے اپنی جان نچھاور کر دیئے۔
انہوں نے کہا کہ یوم آزادی زندگی کے تمام شعبوں میں نیک نیتی ، عزم اور سچائی کے ساتھ ملک کی خدمت کے لئے اپنے عزم کو مضبوط کرنے کا موقع ہے۔مسٹر کجریوال نے ٹوئٹر پر اپنے مبارکباد کے پیغام میں کہامذہب ہمیں آپس میں بیر رکھنا نہیں سکھاتا۔انہوں نے تمام شعبوں میں ترقی اور سبھی جگہ امن وامان کیلئے نیک خواہشات کا اظہار کیا۔