جناردھن ریڈی کی یڈیورپا سے ملاقات کے بعد سیاسی چہ میگوئیاں تیز، ریاستی بی جے پی صدارت بدلنے کی تیاریوں سے یڈیورپا ناخوش

Source: S.O. News Service | By Shahid Mukhtesar | Published on 18th November 2018, 12:32 AM | ریاستی خبریں |

بنگلورو،17؍نومبر(ایس او نیوز) سابق ریاستی وزیر اور بلاری کے کان مالک جناردھن ریڈی کی ریاستی بی جے پی صدر اور سابق وزیراعلیٰ بی ایس یڈیورپا سے خفیہ ملاقات سیاسی حلقوں خاص طور پر بی جے پی کے حلقوں میں زبردست بحث کا موضوع بنی ہوئی ہے۔ حالیہ ضمنی انتخابات میں بی جے پی کی رسوا کن شکست کا جائزہ لینے حال ہی میں بی جے پی کے قومی صدر امت شاہ کے دورۂ منگلور کے دوران یڈیورپاکے طرز کار پر مختلف حلقوں سے اعتراض کئے جانے اور ان پر پارٹی امور میں یکطرفہ فیصلے لینے کے متعلق الزامات اور اس میٹنگ سے خود یڈیورپا کی غیر حاضری کے بعد پارٹی میں یہ قیاس آرائیاں کافی شدت اختیار کرگئی ہیں کہ عنقریب ریاستی بی جے پی قیادت میں تبدیلی ممکن ہے۔ جناردھن ریڈی کے خلاف غیر قانونی کانکنی کے الزامات اور اب امبیڈنٹ کے تازہ معاملے کے بعد بی جے پی کے بیشتر لیڈروں نے ان سے کنارہ کشی اختیار کرلی ہے، یہاں تک کہ بعض رہنماؤں نے بی جے پی سے جناردھن ریڈی کی لاتعلقی کا بھی اظہار کردیا ہے۔اس دوران منگلور میں ہوئی بی جے پی میٹنگ میں یڈیورپا کے سیاسی حریفوں نے پارٹی کے قومی صدر کے سامنے پارٹی امور میں یڈیورپا کی من مانی اور چند غلط فیصلوں کی نشاندہی کی تو پارٹی کے قومی صدر امت شاہ نے اس سلسلے میں آر ایس ایس کے ریاستی قیادت سے بھی مشورہ کیا تو وہاں سے بھی یہی رائے دی گئی کہ یڈیورپا کو یکطرفہ فیصلے لینے سے روکا جائے اور ان پر پابندی عائد کی جائے کہ پارٹی امور میں جو بھی فیصلہ لیں گے وہ سنگھ پریوار سے مشورے کے بعد ہی لیں گے۔ اس کے علاوہ پارٹی کے قومی صدر کی طرف سے طلب کی گئی میٹنگ میں یڈیورپا کی دانستہ غیر حاضری کا سخت نوٹس بھی لیاگیا۔ غالباً یہی وجہ ہے کہ یڈیورپا نے اپنے سیاسی وجود کو زندہ رکھنے کے لئے ایک بار پھر ریڈی برادران سے ہاتھ ملانے کی پہل کی ہے۔بی جے پی کی طرف سے نظر انداز کردئے جانے کے سبب ریڈی برادران بھی پارٹی سے ناخوش ہیں تو دوسری طرف ریاستی بی جے پی صدارت سے یڈیورپا کو بے دخل کئے جانے کی تیاریاں شروع کئے جانے کی خبروں کے درمیان یڈیورپا کی جناردھن ریڈی سے ملاقات کے بعد سیاسی حلقوں میں قیاس آرائیوں کا بازار گرم ہوچکا ہے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔