نئی نسل کے لیے ایک بہترین دینی تحفہ مولانا الیاس ندوی کی مجالس نبوی ﷺ

Source: S.O. News Service | By Abu Aisha | Published on 30th January 2017, 10:34 AM | اسپیشل رپورٹس | اسلام | ساحلی خبریں |

حضورﷺ کی سیرتِ مقدسہ ایک بے مثال،ابدی عملی نمونہ ہے ، جو زندگی کےاعلیٰ وارفع مقصد کے حصول میں بہتر سے بہتررہنمائی کرتاہے تو  چھوٹے  چھوٹے ، معمولی مسائل کو بھی اپنے اندر سمیٹا ہواہے اور اس کی اہم اور خاص خصوصیت یہ ہےکہ یہ عملی نمونہ دنیا کے ساتھ اخروی زندگی کی کامیابی کی ضمانت بھی ہے۔اس کی گواہی خود  قرآن کریم  نے دی ہے تو  وہیں صحابہ کرام رضی اللہ  جیسی عظیم شخصیات کی سیرتیں روشن دلیل ہیں۔موجودہ دنیا جن کو مفکرین ، مصلحین ، دانشور ، فلسفی کہتی ہے،ان کے تعلق سے صرف یہی کہا جاسکتاہے کہ وہ صرف قال کی حد تک ہی محدود ہیں اور دنیا نے ان مہان ہستیوں کی طرف سے پیش کئے گئے نظریات، فلسفہ یا پیغام کی عملی شکل  دیکھنے سے قاصر ہے، خود انہیں بھی اس کے عملی نفاذ پر اعتماد نہیں تھا اس کے برعکس خاتم النبین حضرت محمد ﷺ  کی سیرت بہت ہی آسان اور سہل انداز میں عمل پیش کرتی ہےتاکہ دنیا کو اس پر عمل کرنے میں کوئی دقت نہ ہو۔ یہ کوئی فلسفہ یا فکر نہیں بلکہ رشد وہدایت اور دنیاو آخرت کی کنجی ہے حیوان کو انسان بنانے کی عملی صورت ہے آج دنیا نے جسے شخصی تعمیر(پرسنالٹی ڈیولیپمنٹ )کا پرفریب نا م دیا  ہے در حقیقت حضرت محمد ﷺ کی سیرت ہی وہ  گائیڈنس ہے جو ہمیں  دنیا میں سب سے بہتر پرسنالٹی کی تعمیر میں  ممد و معاون ہے ، اس کے علاوہ جو کچھ ہے  وہ خس وخاشاک۔

حضرت محمد صلی اللہ علیہ وسلم کی سیرت پر اب تک بے شمار مصنفین نےبساط بھر بہتر سے بہتر تصانیف پیش کرتےہوئے اللہ کی رضا حاصل کرنے کی سعی کی ہے ،اور دنیا کاہرخطہ اس سے فیضاب ہورہاہے تاقیامت یہ کام ہوتارہے گا۔ فی الوقت ہمارے سامنے وقت کے جید عالم دین، مایہ ناز ادیب، اسلامی دانشور ، مورخ ،ہر وقت دین اسلام کے کاموں میں سرگرداں  حضرت مولانا محمد الیاس ندوی بھٹکلی (استاذ جامعہ اسلامیہ بھٹکل) کی خوب صورت ، دیدہ زیب ، وزن میں بہت ہلکی مگر زندگی کے لئے بڑی قیمتی  نبی صلی اللہ کی روحانی مجالس، عطر بیز ملفوظات کا دلکش مجموعہ ’’مجالس نبویﷺ‘‘نامی تصنیف  ہے۔ 270صفحات پر مشتمل مجالس نبوی ﷺمیں  سیرت کے مختلف واقعات کو بہت ہی سلیس و سہل مگر جامع و پُر اثر،دلنشین اسلوب اور حسین پیرائے میں یکجا کرتے ہوئے معیاری کاغذ کے ساتھ شائع کیا گیا ہے، ہمارے نزدیک یہ مقدس تصنیف  انشا پردازی کی اعلیٰ مثال ہے۔ مجالس و واقعات کا انتخاب و ترتیب بھی اپنے اندر  فطری جاذبیت  رکھتاہے،نبی ﷺ کی مجلسوں کی فہرست بھی بڑی عرق ریزی کے ساتھ ترتیب دی گئی ہے، عنوانات بھی دل کو چھولیتے ہیں کلی طورپر  بہت دلسوزی کے ساتھ کتاب کو  قلم بند کیا گیا  ہے۔یہ تصنیف مطالعہ کرنے والے ہر قاری ، ہر مجلس کو یقینا ً مطہر و معطر کرتی ہے، دراصل سیرت ﷺ تاقیامت ہر انسان کے لئے ایک دلکشی و جاذبیت رکھتی ہے ہی مگر جب دینی حمیت، غیرت اسلام ، سچے عشق اور خلوص کے ساتھ سیرت ﷺ کے موضوع پر قلم اٹھا تا ہے تو صدفی صد اس میں قلبی تاثیر اور بے پناہ عملی جذبہ پیدا ہوگا۔ مسلمان تو مسلمان ، ملحد و مشرک بھی اس کا مطالعہ کریں گے تو دین اسلام اور سیرت رسول ﷺ پر غور وفکر کے لئے مجبور پائیں گے۔’’  مجالس نبوی ﷺ ‘‘اس کی عمدہ مثال ہے۔

 زندگی کی دوڑ دھوپ اور ہزار سرگرمیوں کے درمیان  جدید زمانے کے ہر موضوع کو اسلامی نقطہ نظر سے پیش کرنے میں ان تھک کاوشوں میں جٹی شخصیت مولانا محمد الیاس ندوی کےجولانیٔ قلم سے نکلی’’ مجالس نبوی ﷺ ‘‘ہرکسی کے لئے مفید ہے لیکن نوجوان نسل پر میں خاص احسان مانتاہوں۔ مغربیت کی زد میں پھنستی ہماری نئی نسل کی دینی فکر کو مہمیز کرنے میں بہت ہی کارآمد  ، مفید و مؤثر ہے۔ گرچہ سمندر کے پورے پانی کو نکال باہر کرنا ممکن نہیں ہے ہاں مگر اس میں غوطہ خور موتی ضرور نکال لاتے ہیں ایسے ہی چند موتیوں کو سیرتﷺ کے سمندر سے نکال کر انسان کی دنیا و آخرت کی فلاح کے لئے مولانا الیاس ندوی نے مجالس نبوی ﷺ کے طورپر ہمارے سامنے پیش کیا ہے۔ جو ہم سب کے لئے بڑی سعادت ہے۔

مجالس نبوی ﷺ میں  ایک انسانی زندگی کے لئے جو ضروری رہنمائی  چاہئے، وہ سب موجود ہے، نمبرشمار 34اورصفحہ نمبر 61پر ’’ اللہ سے دعا فرمائیے:-بارش رک جائے ‘‘میں اللہ کے نبی ﷺ سے بدو کے سوالات ، جواب میں دعائیں اور دعا مانگنے کا طریقہ ،آہ کیا کچھ نہیں ہے اس ایک چھوٹے سے واقعہ میں ، سبحان اللہ۔ نمبر شمار 38اور صفحہ نمبر 63پر 5جملوں پر مشتمل ’’ کیا آپ اپنے بچوں کا پیار سے بوسہ لیتے ہیں؟‘‘واقعہ میں رحمت کا مفہوم کس خوبصورتی سمجھایا گیا ہے دل موم ہوجاتاہے۔اللہ تعالیٰ  اعلیٰ کو ادنیٰ کس طرح بناتاہے صفحہ نمبر 66 پر درج 5لائن میں دیکھ لیجئے۔ ماں کی ممتا کیا ہوتی ہے ماں کو اپنے بچے سے کتنی محبت ہوتی ہے اور ہونی چاہئے اس کا ایک نظارہ صفحہ نمبر 73پر’’ بچہ کو کاٹ کر تم دونوں میں تقسیم کردیتاہوں ‘‘والی مجلس سے سیکھ سکتےہیں۔شک وشبہ نےکس کو چھوڑا ہے ہر کسی کو برباد کردیتاہے، تو پھر اس کو کیسے دور کریں نبی رحمت ﷺ سے ہمیں سیکھانا ضروری ہے صفحہ نمبر 103کامطالعہ کرلیجئے کہ جہاں آپ ﷺ کیا کہہ رہے ہیں۔وہیں صفحہ نمبر 117پر لطیفہ گوئی کے ذریعے آپﷺ نے جس صفت کا تذکرہ کرتےہوئے موت کو پیش کیاہےسبحان اللہ  کیا خوب پیش کیا گیا ہے۔ اسی طرح دنیاوی لیڈروں سے   جو بنیادی صفت آپ ﷺ کو ممتاز کرتی ہے ا س کا ایک نظارہ صفحہ نمبر 141پر ’’ کچھ ڈرنے کی بات نہیں ‘‘ کے تحت کرلیجئے، اورہمیں اپنی تربیت بھی اسی نہج پر کرنی ہے۔ آپسی ناچاکی کہاں نہیں ہوتی ، لیکن یہی جب دوکبار صحابہؓ کے درمیان ہوتی ہے تو کیا ہوتاہے صفحہ نمبر 157کو کھولئیے۔ امارت کی خواہش اور ذمہ داری پھر اہلیت کے متعلق آقائے دوجہاں نبی ﷺ کیا کہتے ہیں صفحہ نمبر 242سے سمجھئے۔ نوجوانوں کے نکڑ اور چوراہے پر کھڑے رہ کر ہنگامہ خیزی سے کون پریشان نہیں ہے اس کا حل اور آسان عمل صفحہ نمبر 243پر موجود ہے۔ والدین سے حسن سلوک موجودہ دور کا بہت بڑا المیہ بنتاجارہاہے ، اس کی بہترین تشریح صفحہ نمبر 268پر کی گئی ہے ہرنوجوان کو اس کا مطالعہ لازمی ہے۔ جگ مگ ستاروں کی محفل میں معطر پھولوں کا گلدستہ پیش خدمت ہے، غرض تعارف طویل ہوتاجارہاہے ،یہیں پر اپنے قلم کو روکتے ہوئے تمام سے التماس کرتے ہیں کہ ایک مرتبہ ضرور اس کا مطالعہ کریں ،کیونکہ مجالس نبوی ﷺ میں  پوری زندگی کا احاطہ کیا گیا ہے۔ ویسے کتاب کے متعلق قاری پوری کتاب کے مطالعہ کے بعد ہی فیصلہ کرسکتاہے ، ہم نے بس چند نمونوں کو پیش کیا ہے ۔ احساس کہہ رہاہے کہ اگر اس تصنیف کو مساجدمیں عصر یا عشاء کے بعد ، محفلوں میں بطور تذکیر ، اسکولوں اور کالجوں میں دعا کے اوقات میں روزانہ کا معمول بنائیں گے تو انشاء اللہ اس کے بہتر اثرات مرتب ہونگے۔ تصنیف کے انتساب میں صاحبِ قلم نے جن خیالات کااظہار کرتے ہوئے دعا مانگی ہے اللہ سب کے حق میں قبول کرے ۔ آمین۔                                               

                                                                                 تعارف از :عبدالروف سونور (لکچرر انجمن پی یو کالج بھٹکل)  9448776206

یہ کتاب مندرجہ ذیل پتہ پر مل سکتی ہے:

۱) مولانا ابوالحسن على ندوى اسلامك اكىڈ مى، بھٹکل [email protected]

۲) مكتبہ على العلمىہ، مد ینہ كالونى،بھٹکل

   ۳) مجلس تحقيقات ونشريات اسلام، ندوة العلماء، لكهنؤ 

۴)  مكتبة الشباب العلمیہ، ندوه روڈ، لكهنو

ایک نظر اس پر بھی

بھٹکل میں 110 کے وی اسٹیشن کے قیام سے ہی بجلی کا مسئلہ حل ہونے کی توقع؛ کیا ہیسکام کو عوامی تعاون ملے گا ؟

بھٹکل میں رمضان کے آخری دنوں میں بجلی کی کٹوتی سے جو پریشانیاں ہورہی تھی، سمجھا جارہا تھا کہ  عین عید کے  دن  بعض نوجوانوں کے  احتجاج کے بعد  اُس میں کمی واقع ہوگی اور مسئلہ حل ہوجائے گا، مگر  عید الفطر کے بعد بھی  بجلی کی کٹوتی یا انکھ مچولیوں کا سلسلہ ہنوز جاری ہے اور عوام ...

بھٹکل تعلقہ اسپتال میں ضروری سہولتیں تو موجود ہیں مگر خالی عہدوں پر نہیں ہورہا ہے تقرر

جدید قسم کا انٹینسیو کیئر یونٹ (آئی سی یو)، ایمرجنسی علاج کا شعبہ،مریضوں کے لئے عمدہ ’اسپیشل رومس‘ کی سہولت کے ساتھ بھٹکل کے سرکاری اسپتال کو ایک نیا روپ دیا گیا ہے۔لیکن یہاں اگر کوئی چیز نہیں بدلی ہے تو یہاں پر خالی پڑی ہوئی اسامیوں کی بھرتی کا مسئلہ ہے۔ 

آر ایس ایس کی طرح کوئی مسلم تنظیم کیوں نہیں؟ از: ڈاکٹر سید فاضل حسین پرویز

مسٹر نریندر مودی کی تاریخ ساز کامیابی پر بحث جاری ہے۔ کامیابی کا سب کو یقین تھا مگر اتنی بھاری اکثریت سے وہ دوبارہ برسر اقتدار آئیں گے اس کا شاید کسی کو اندازہ نہیں تھا۔ دنیا چڑھتے سورج کی پجاری ہے۔ کل ٹائم میگزین نے ٹائٹل اسٹوری مودی پر دی تھی جس کی سرخی تھی ”India’s Divider in Chief“۔

خود کا حلق سوکھ رہا ہے، مگر دوسروں کو پانی فراہم کرنے میں مصروف ہیں بھٹکل مسلم یوتھ فیڈریشن کے نوجوان؛ ایسے تمام نوجوانوں کو سلام !!

ایک طرف شدت کی گرمی اور دوسری طرف رمضان کا مبارک مہینہ  ۔ حلق سوکھ رہا ہے، دوپہر ہونے تک ہاتھ پیر ڈھیلے پڑجاتے ہیں،    لیکن ان   نوجوانوں کی طرف دیکھئے، جو صبح سے لے کر شام تک مسلسل شہر کے مختلف علاقوں میں پہنچ کر گھر گھر پانی سپلائی کرنے میں لگے ہوئے ہیں۔ انہیں  نہ تھکن کا ...

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...

بلقیس بانو کیس۔ انصاف کی جدوجہد کا ایک سنگ میل ......... آز: ایڈووکیٹ ابوبکرسباق سبحانی

سترہ سال کی ایک لمبی اور طویل عدالتی جدوجہد کے بعد بلقیس بانو کو ہمارے ملک کی عدالت عالیہ سے انصاف حاصل کرنے میں فتح حاصل ہوئی جس فتح کا اعلان کرتے ہوئے عدالت عالیہ (سپریم کورٹ آف انڈیا) نے گجرات سرکار کو حکم دیا کہ وہ بلقیس بانو کو پچاس لاکھ روپے معاوضہ کے ساتھ ساتھ سرکاری نوکری ...

عیدالفطر: فضائل و احکام ........... آز: عبدالرشیدطلحہ نعمانیؔ

جب بندہ تیس دن تک لگاتار روزے رکھتا ہے،روزے کےمطلوبہ تقاضے پورے کرتا ہے،قیام اللیل کے ذریعہ تقرب الہی کے ذرائع تلاش کرتاہے، خدمت خلق کے ذریعہ اپنےخالق و مالک کو راضی کرلیتا ہےاور اسی کی عبادت و فرماں برداری میں سارا وقت صرف کرتا ہےتو حق تعالیٰ  اس پیہم محنت و جدوجہد کے بعد ...

نئے سال کی آمد پر جشن یا اپنامحاسبہ ................ آز: ڈاکٹر محمد نجیب قاسمی سنبھلی

ہمیں سال کے اختتام پر، نیز وقتاً فوقتاً یہ محاسبہ کرنا چاہئے کہ ہمارے نامۂ اعمال میں کتنی نیکیاں اور کتنی برائیاں لکھی گئیں ۔ کیا ہم نے امسال اپنے نامۂ اعمال میں ایسے نیک اعمال درج کرائے کہ کل قیامت کے دن ان کو دیکھ کر ہم خوش ہوں اور جو ہمارے لئے دنیا وآخرت میں نفع بخش بنیں؟ یا ...

مٹھی بھر شر پسند عناصر ملک میں فرقہ وارانہ ہم آہنگی اور قومی یکجہتی کی فضا کو خراب کرنا چاہتے ہیں : مولانا اصغر علی امام مہدی سلفی

مرکزی جمعیت اہل حدیث( ہند) سے جاری ایک اخباری بیان کے مطابق مرکزی جمعیت اہلحدیث ہند کے امیر مولانا اصغر علی امام مہدی سلفی نے امرتسر میں نرنکاری ست سنگ ڈیرہ پر ہوئے گرینیڈ حملہ جس میں تین افراد ہلاک اور پندرہ افراد زخمی ہوئے، کی پر زور مذمت کی ہے اور اسے بزدلانہ اورغیر انسانی ...

ماہ صفر مظفر اور بد شگونی ......... بقلم: محمد حارث اکرمی ندوی

فَإِذَا جَاءَتْهُمُ الْحَسَنَةُ قَالُوا لَنَا هَٰذِهِ ۖ وَإِن تُصِبْهُمْ سَيِّئَةٌ يَطَّيَّرُوا بِمُوسَىٰ وَمَن مَّعَهُ ۗ أَلَا إِنَّمَا طَائِرُهُمْ عِندَ اللَّهِ وَلَٰكِنَّ أَكْثَرَهُمْ لَا يَعْلَمُونَ ( الأعراف 131) ...

ملک کے موجودہ حالات اور دینی سرحدوں کی حفاظت ....... بقلم : محمد حارث اکرمی ندوی

   ملک کے موجودہ حالات ملت اسلامیہ ھندیہ کےلیے کچھ نئے حالات نہیں ہیں بلکہ اس سے بھی زیادہ صبر آزما حالات اس ملک اور خاص کر ملت اسلامیہ ھندیہ پر آچکے ہیں . افسوس اس بات پر ہے اتنے سنگین حالات کے باوجود ہم کچھ سبق حاصل نہیں کر رہے ہیں یہ سوچنے کی بات ہے. آج ہمارے سامنے اسلام کی بقا ...

اسپتال قائم کرنا میری ذمہ داری نہیں ہے: کاروار میں ایم پی اننت کمار ہیگڈے کا تکبرانہ بیان

ضلع شمالی کینرا میں ایک ٹراما سینٹر اور سوپر اسپیشالٹی ہاسپٹل تعمیر کرنے کے لئے سوشیل میڈیا جو مہم چلائی جارہی ہے اور متعلقہ محکمہ جات کے افسران کو میمورنڈم دئے جارہے ہیں اس سلسلے میں ضلع کے رکن پارلیمان اننت کمار ہیگڈے نے اب تک کسی قسم کاردعمل ظاہر نہیں کیاتھا۔ الٹے سوشیل ...

اڈپی کے موٹر بائک شوروم میں بھیانک آتشزدگی۔ فائربریگیڈ کی بروقت کارروائی سے ٹل گیا سنگین حادثہ

یہاں اندرالی ریلوے پل سے قریب واقع ہیرو ہونڈا موٹربائک کے جئے دیوا شو روم میں اتوار کی شب میں بھیانک آتشزدگی کا واقعہ پیش آیا۔ چونکہ اس شوروم سے متصل پٹرول بنک موجود ہے اس لئے حادثہ سنگین رخ اختیار کرنے کے امکانات پیدا ہوگئے تھے، لیکن فائر بریگیڈ عملے کی بروقت کارروائی کی وجہ ...

منگلورو میں ڈینگی بخار کے 40مشتبہ مریض اسپتال میں داخل۔ریاستی سطح پر% 70ملیریا کے معاملات منگلورو میں درج ہوئے

گزشتہ تین ہفتوں کے دوران منگلورو کے گجّر کیرے نامی علاقے میں ڈینگی بخار کے 40مشتبہ مریض اسپتال میں داخل کیے گئے ہیں تفتیش کے بعد ان میں سے ایک معاملے میں ڈینگی بخار کی تصدیق ہوگئی ہے۔

منگلورو ایئر پورٹ پر 20.67لاکھ روپے مالیت کا سونا ضبط

منگلورو انٹرنیشنل ایئر پورٹ پر سونا اسمگلنگ کرنے کی کوشش کو ناکام بناتے ہوئے کسٹم کے افسران نے ایک مسافر کے قبضے سے 24کیریٹ کا608  گرام سونا ضبط کرلیا جو مسافر نے پیسٹ کی شکل میں اپنے مقعد میں چھپاکر رکھا تھا۔

کاروار میں شراب کے نشے میں دُھت کار چلانے کے دوران چار سواریوں کو ٹکر دینے کے بعد عوام نے نیوی اہلکار کی لی خوب خبر

نیوی اہلکار کو کاروار میں  اُس وقت عوام  کے ہاتھوں بری طرح    پٹنا پڑا جب  شراب کے نشے میں ڈرائیونگ کرنے کے دوران اس کی کار  یکے بعد دیگرے چار کاروں سے ٹکرا گئی۔ واردات  کاروار کے بِنگا میں کدمبا نیوی کے گیٹ کے قریب سنیچر شب کو  پیش آیا۔