اموٹانے وائس چانسلرپروفیسرطارق منصورسے ملاقات کی

Source: S.O. News Service | Published on 19th May 2017, 10:24 PM | ملکی خبریں |

علی گڑھ19مئی(ایس او نیوز/آئی این ایس انڈیا)علی گڑھ مسلم یونیورسٹی کی اے ایم یو ٹیچرس ایسو سی ایشن (اموٹا) کے عہدے داران نے حال ہی میں وائس چانسلر پروفیسرطارق منصور سے ملاقات کی اور اس تاریخی ادارے کی ذمہ داری سنبھالنے پر ان کو مبارک باد پیش کی اور سر سید احمد خاں کے مقاصدکو آگے بڑھانے کے لئے نیک خواہشات پیش کیں۔ اموٹا کے سکریٹری مسٹر ایس مصطفی زیدی نے پروفیسر طارق منصور کو خصوصی طور پر اموٹا کی ممبرشپ فیس دوبارہ سے اے ایم یو سے وضع کرانے اور خود ان کی معطلی کو واپس لینے کے لئے ان کا شکریہ ادا کیا۔ انہوں نے کہا کہ وائس چانسلر پروفیسر منصور کے اس فیصلے سے اموٹا اور یونیورسٹی انتظامیہ کے درمیان اچھے رشتے قائم ہوں گے اور یونیورسٹی کی مجموعی ترقی کا راستہ مستحکم ہوگا۔انہوں نے کہا کہ اس قدم سے یونیورسٹی میں جمہوری عمل کو فروغ حاصل ہوگا۔مسٹر زیدی نے پروفیسر عبد السلام اور پروفیسر اصفر علی خاں کے او ایس ڈی کی حیثیت سے منتخب ہونے پر انہیں مبارک باد پیش کی اور اموٹا کے صدر پروفیسر مجاہد بیگ کے مسلسل تعاون کے لئے شکریہ ادا کیا۔ 
 

ایک نظر اس پر بھی