کانگریس کر رہی ہے ووٹ بینک کی سیاست، ملک مخالف لوگوں سے ملایا ہاتھ: امت شاہ
احمدآباد / گجرات،10؍دسمبر (آئی این ایس انڈیا )گجرات انتخابات میں بھارتیہ جنتا پارٹی کے سامنے چیلنج پیش کر رہی کانگریس کو بی جے پی کے قومی صدر امت شاہ نے اتوار کو کئی محاذوں پر گھیرا ۔ ایک پریس کانفرنس کر کے امیت شاہ نے کانگریس پر ووٹ بینک کی سیاست کرنے کا الزام عائد کیا ہے ۔ شاہ نے کہا کہ صرف ووٹ کے لالچ میں کانگریس ملک مخالف قوتوں سے ہاتھ ملا رہی ہے اور 2017 میں 2002 کا ذکر کرنے کے پیچھے بھی اس کا یہی مقصد بھی یہی ہے ۔ ا میت شاہ نے اتوار کو گاندھی نگر میں پریس کانفرنس کرکے کانگریس نائب صدر راہل گاندھی کو بھی گھیرا۔ امیت شاہ نے کانگریس کو پولرائزیشن کی ماں قرار دیتے ہوئے کہا کہ کانگریس نے گجرات انتخابات میں ا پنی بنیاد ہی نسل پرستی کو بنایا ہے۔ کانگریس کے ہونے والے صدر (راہل گاندھی) نے مندر مندر دوڑ لگائی۔ کانگریس ہی ملک میں پولرائزیشن کی ماں رہی ہے۔
امت شاہ نے کہا کہ کانگریس لیڈر چرن سنگھ نے کہا ہے کہ وزیر اعظم مودی کو جامع مسجد میں جانا چاہئے اور 2002 کے فسادات کے لئے معافی مانگنی چاہئے۔ پورا ملک جانتا ہے اور ثابت ہو چکا ہے کہ کانگریس کے مودی پر لگائے یہ الزام جھوٹے اور بے بنیاد ہیں۔ اور مودی گناہوں سے بالکل صاف ہیں۔ اس کے باوجود ووٹ بینک کے لئے کانگریس 2017 میں 2002 کا مسئلہ اچھال رہی ہے۔کانگریس پر ملک مخالف قوتوں کی حمایت حاصل کرنے کا الزام لگاتے ہوئے امیت شاہ نے کہا کہ پی ایف آئی سے پیسے لیتے ہوئے جگنیش میوا نی کی تصویر وائرل ہوئی۔ پی ایف آئی تنظیم ہمیشہ ملک مخالف سرگرمیوں کا حصہ ر ہی ہے ۔ راہل گاندھی ایسے شخص سے ملتے ہیں جس کے ملک مخالف قوتوں سے تعلقات ہیں اور ووٹ بینک کے لئے کانگریس ایسے لوگوں کو اپنی سیٹ بھی دینے کو تیار ہے۔ امیت شاہ نے کہا کہ کانگریس کو جگنیش میوانی کے پی ایف آئی سے تعلقات کی اطلاع ہے ، ورنہ پارٹی انہیں ٹکٹ دے دیتی۔امیت شاہ نے بغیر کسی دلیل اور بنیاد کے کانگریس پر الزام لگاتے ہوئے کہا کہ کانگریس پارٹی پھر بھی ووٹ بینک کے لالچ میں باہر( پاکستان ) سے حمایت حاصل کر رہی ہے ۔ واضح ہو کہ گجرات اسمبلی انتخابات کا پہلا مرحلہ ہفتہ کو مکمل ہو گیا ہے اور دوسرے مرحلے کی ووٹنگ 14 دسمبر کو ہو نا باقی ہے ۔