امیت شاہ نے کرناٹک الیکشن کوبھی گجرات کارنگ دے دیا،متنازعہ بیان کے ساتھ مہم شروع
چترادرگ،10؍جنوری (ایس او نیوز)مذہبی بنیادوں پر الزامات کے ساتھ ہی بی جے پی کے قومی صدر امیت شاہ نے کرناٹک اسمبلی انتخابات کے لیے بگل بجادیاہے۔انہوں نے الزام لگایا کہ کرناٹک کے وزیراعلی سدارامیا کی حکومت ہندو مخالف ہے۔واضح ہوکہ گجرات الیکشن میں بھی زمین کھسکتی دیکھ کرالیکشن کومذہبی رنگ دے دیاگیاتھااورمتنازعہ بیانات کے سلسلے جاری ہوگئے تھے ۔انہو ں نے چترادرگ میں نواکرناٹک نرمان پریورتن یاترا سے خطاب کرتے ہوئے کہا ’’ سدارامیا حکومت ووٹ بینک کی سیاست میں ملوث ہے ‘ یہ مخالف ہند حکومت ہے جس نے ایس ڈی پی آئی کے خلاف تمام معاملات سے دستبرداری اختیار کی ہے جو مخالف ہند تنظیم ہے۔