عجمان میں منعقدہ امین سیف اللہ بی پی ایل کرکٹ ٹورنامنٹ دلچسپ مرحلے میں داخل؛ تین ٹیموں کی ہوئی سیمی فائنل میں رسائی

Source: S.O. News Service | By I.G. Bhatkali | Published on 25th March 2018, 1:23 AM | خلیجی خبریں | اسپورٹس | ان خبروں کو پڑھنا مت بھولئے |

عجمان 24/مارچ (ایس او نیوز)  امین سیف اللہ بھٹکل پریمئیر لیگ (بی پی ایل) کرکٹ ٹورنامنٹ اب دلچسپ مراحل میں داخل ہوگیا ہے اور اب تک کھیلے گئے چھ میچوں کے نتائج  کے بعد تین ٹیمیں سیمی فائنل  تک پہنچنے میں کامیاب ہوگئیں ہیں۔ اب  چوتھی کونسی ٹیم سیمی فائنل میں پہنچے گی یہ اگلے جمعہ کو ہونے والے میچس میں دیکھنا باقی ہے۔

گذشتہ جمعہ کی طرح  دوسرے  ہفتے کے میچس بھی بے حد  دلچسپ رہے، پہلے جمعہ کو کھیلے گئے میچس میں جن تین ٹیموں نے جیت درج کی تھی، وہیں  تین  ٹیمیں اس بار بھی اپنی مخالف ٹیموں کو شکست دینے میں کامیاب رہیں اور جیتنا سلسلہ جاری رکھا۔

 پہلا مقابلہ ٹرک چارجر اور ڈی وی ایس یونائٹیڈ کے درمیان کھیلا گیا تھا، جس میں  ڈی وی ایس نے شاندار جیت درج کی، دوسرا میچ این جی ٹی اسٹرائیکر اور ابوظبی رائیڈر کے درمیان کھیلا گیا اور این جی ٹی اسٹرائیکر نے ابوظبی کو ناک آوٹ کردیا، تیسرا میچ کے ایم وارئیرس اور رکن الدین چیلنجرس کے درمیان ہوا اور کے ایم وارئیر نے جیت درج کی۔اس طرح ڈی وی ایس یونائیٹڈ، این جی ٹی اسٹرائیکر اور کے ایم وارئیرس ٹورنامنٹ کے سیمی فائنل میں داخل ہوگئیں ہیں۔ سیمی فائنل میں چوتھی ٹیم کونسی ہوگی، اس کا فیصلہ اگلے جمعہ کو ہونے والے  میچس کے بعد معلوم ہوگا۔

اس بار 20 اووروں کے بجائے، میچ کو 18 اوور کا کرایا گیا تاکہ میچس جلد سے جلد مکمل کئے جاسکیں۔

جمعہ کو کھیلے گئے پہلے میچ میں  ٹریک چارجر نے پہلے بلے بازی کرتے ہوئے 188 رن بنائے جس میں ناشط برماور کے ۳۰ اور فہد ملک کے شاندار ۵۹ رن شامل ہیں۔ڈی وی ایس یونائیٹیڈ کے لئے یہ ایک پہاڑ جیسا اسکور تھا اور لگ رہا تھا کہ اس بار ڈی وی ایس  میچ بچانہیں پائے گی۔ مگر  188 رنوں کا پیچھا کرتے ہوئے ڈی وی ایس یونائیٹیڈ کے سلامی بلے باز عماد قاسمجی اور عمران خطیب( سینئر) نے اپنی ٹیم کے لئے شاندار اسٹارٹ دیا عماد نے ایک طرف دھواں دار بلے بازی کرتے ہوئے تین چھکوں کی مدد سے ناٹ آوٹ 65 رن بنائے، وہیں عمران نے 32 رن بنا کر جیت کے لئے راہیں آسانی کردی۔ ان دونوں کی خوبصورت بلے بازی کی بدولت ٹیم نے  توقع کے برخلاف  صرف 16.4 اووروں میں تین وکٹوں کے نقصان پر  ہی مقررہ حدف کو پورا کرلیا اور میچ سات وکٹوں سے جیت لیا۔  عماد قاسمجی کو مین آف دی میچ کے خطاب سے نوازا گیا ۔ 

دوسرا میچ ابوظبی رائیڈرس اور این جی ٹی اسٹرائکر کے درمیان کھیلا گیا ۔ ٹاس جیت کر پہلے بلے بازی کرتے ہوئے ابوظبی رائڈرس نے ۱۸ اوورں میں 134 رن بنائے ۔ جس میں کپتان عبدالباسط معلمی کے ۲۹ اور عبدالباسط معلم کے  ۲۳ رن شامل ہیں۔ جواب میں  این جی ٹی اسٹرائکر نے صرف 14 اووروں میں ہی مقررہ نشانہ پارکرلیا اور  آسانی کے ساتھ میچ   جیت لیا ۔ سلامی بلے باز محمد رمضان بیری نے ۴۴ گیندوں میں ۴ چھکوں  اور ۹ چوکوں کی مدد سے ۷۲ رن بنائے جس کے لئے اُنہیں مین آف دی میچ کے اعزاز سے نوازا گیا۔

تیسرا اور آخری میچ رکن الدین چیلنجر اور کے ایم واریئر کے درمیان کھیلا گیا جو بے حد دلچسپ رہا ۔ پہلے بیٹنگ کرتے ہوئے رکن الدین چیلنجر نے ۱۸ اووروں میں ۹ وکٹ کھوکر 160 رن بنائے ۔ ذاکر رکن الدین نے عمدہ بیٹنگ کرتے ہوئے ۶۶ رن بنائے جس میں ایک چھکا اور ۱۰ چوکے شامل تھے ۔ محمد علی جوشیدی نے بھی ۳۲ رن بنائے ۔ محمد نوید ساؤڑا نے دو وکٹ حاصل کئے ۔ 160 رنوں  کا پیچھا کرتے ہوئے کے ایم وارئیر کی شروعات اچھی نہیں رہی عبدالوحید جو ٹورنامنٹ کے کافی سنیئر کھلاڑی ہے بغیر کھاتہ کھولے پویلین لوٹ گئے ۔ اس کے بعد انس ملا اور محمد فیروز شانو نے مل کر ایک حد تک اننگز کو سنبھالنے کی کوشش کی لیکن وکٹوں کے گرنے کا سلسلہ جاری رہا، جس سے  میچ دگمگانے لگا تھا، مگر بعد میں    راسخ جوباپو ‘ ناگراج نائک ‘ اور نوید ساؤڑا نے ذمہ دارانہ بلے بازی کا مظاہرہ کیا اپنی ٹیم کو جیت سے ہمکنار کردیا۔ قاسمجی توصیف نے تین اور محمد علی جوشیدی نے ۲ وکٹ حاصل کئے ۔ محمد انس ملا کو  مین اف دی میچ  کے خطاب سے نوازا گیا۔

خیال رہے کہ پہلے بلے بازی کرنے والی تینوں ٹیموں کو اس ہفتہ  کھیلے گئے میچس میں شکست کا سامنا کرناپڑا ۔

ٹورنامنٹ اب دلچسپ مراحل میں داخل ہوگیا ہے، تینوں ٹیموں نے اپنے دونوں میچس جیت کر سیمی فائنل میں جگہ بنالی ہے۔ اگلے جمعہ کو ہونے والے میچس کے بعد اس بات کافیصلہ ہوگا کہ سیمی فائنل میں پہنچنے والی ایک اور ٹیم کونسی ہے۔

یاد رہے کہ اس ٹورنامنٹ میں جملہ چھ ٹیمیں کھیل رہی ہیں،  جس میں سے تین ٹیموں نے اپنے دونوں  میچس جیت لئے ہیں، جبکہ بقیہ تینوں ٹیمیں  ایک بھی میچ جیتنے میں کامیاب نہیں ہوئی ہیں۔ اب یہ دیکھنا ہوگا کہ ہاری ہوئی تین ٹیموں میں سے کوئی ایک ٹیم  اگلے جمعہ کو ہونے والے میچوں میں جیت درج کرتی ہے یا پھر ایک سے زائد ٹیمیں  ایک ایک میچ جیتنے میں کامیاب ہوتی ہیں، یہ بھی ممکن ہے کہ  ہاری ہوئی ٹیمیں پھر ایک بار ہار جائیں، ایسی کوئی بھی صورت میں سیمی فائنل میں پہنچنے والی چوتھی ٹیم کا فیصلہ   رن ریٹ کی بنیاد پر ہونے کی توقع ہے۔

اگلے جمعہ 30 مارچ کو جو تین میچس ہوں گے، اس میں پہلا میچ   ابوظبی رائیڈرس اور کے ایم وارئیرس کے درمیان  ہوگا،  رکن الدین چیلنجرس ۔ ڈی وی ایس یونائیٹیڈ کے ساتھ مقابلہ کریں گی جبکہ   ٹریک چارجر کے ساتھ این جی ٹی اسٹرائکر کا مقابلہ ہوگا۔

ایک نظر اس پر بھی

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...

بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ...

جون 13 کو ہوگا بھٹکل مسلم جماعت بحرین کا عید ملن پروگرام؛ ممبران سے شرکت کی درخواست

بھٹکل مسلم جماعت بحرین کی عید ملن تقریب انشاء اللہ 13 جون کو مناما کے    ویندھم گرینڈ ہوٹل (Wyndham Grand Hotel, Manama)  میں  منعقد کی گئی ہے جس میں  دلچسپ اور تفریحی پروگرام پیش کئے جائیں گے۔ اس بات کی اطلاع جماعت کے جنرل سکریٹری مولوی اظہرالدین آرمار نے دی ہے۔

ہندوستانی ایتھلیٹ ہما داس نے 1 مہینے میں جیتا 5 واں گولڈ میڈل

ہندوستان کی اسٹار ایتھلیٹ ہما داس نے شاندار مظاہرہ جاری رکھتے ہوئے یہاں اپنی پسندیدہ 400 میٹرکی دوڑ میں 52.09سیکنڈکے سیشن میں اس مہینے کا 5واں گولڈ میڈل جیتا ہے۔سنیچر کو ہما کا یہ مظاہرہ حالانکہ 50.79 کے ان کے نجی بہترین ریکارڈ سے دھیما ہے جو انھوں نے جکارتا ایشیائی کھیلوں کے دوران ...

ویسٹ انڈیز دورہ کیلئے ٹیم انڈیا کا اعلان ، دو نئے چہرے شامل ، خلیل احمد اور محمد سمیع کو بھی ملی جگہ

ویسٹ انڈیز دورہ کیلئے ٹیم انڈیا کا اعلان کردیا گیا ہے ۔ ممبئی میں کپتان وراٹ کوہلی اور سلیکٹرس کی میٹنگ کے بعد دو ٹیسٹ ، تین ون ڈے اور تین ٹی 20 میچوں کیلئے ہندوستانی ٹیم کا اعلان کیا گیا ۔

سچن تندولکر آئی سی سی ’ہال آف فیم‘ میں شامل

 ہندوستان کے لیجنڈ کرکٹر سچن تندولکر اور سابق جنوبی افریقی فاسٹ بولر ایلن ڈونالڈ کو جمعہ کو باوقار آئی سی سی ہال آف فیم میں شامل کیا گیا ہے۔سچن نے یہ اعزاز حاصل ہونے پر آئی سی سی کا شکریہ ادا کیا ہے۔ آسٹریلیا خواتین ٹیم کی فاسٹ بولر کیتھرین فٹزپیٹرك کو بھی آئی سی سی ہال آف فیم ...

ورلڈ کپ فائنل میں اوور تھرو پر انگلینڈ کو پانچ کی بجائے چھ رن دینے پر امپائر دھرم سینا نے دیا بڑا بیان

سری لنکا کے تجربہ کار امپائر کمار دھرم سینا نے اعتراف کیا ہے کہ ورلڈ کپ فائنل میں آخری اوور میں اوورتھرو پر انگلینڈ کو پانچ کے بجائے چھ رن دینا ایک غلطی تھی لیکن انہیں اس فیصلے کا کبھی افسوس نہیں رہے گا۔

جرمن ڈفینڈر ڈيالو نے پی ایس جی کے ساتھ کیا 5 سال کا معاہدہ

فرانس لیگ کی چیمپئن پیرس سینٹ جرمین نے فرینچ ڈیفنڈربنڈیس ليگا ابڈو ڈيالو سے پانچ سال کے لیے معاہدہ کیا ہے اور وہ کلب کے ساتھ اب 30 جون 2024 تک وابستہ رہیں گے۔ڈیالو کو اس معاہدہ کے تحت کلب 29 ملین پاؤنڈس دے گا جو ہندوستانی کرنسی کے حساب سے 2478112878 روپے ہوں گے۔

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

جنوری 19 کو ہوں گےانجمن حامئی مسلمین بھٹکل کے انتخابات؛ اسحاق شاہ بندری الیکشن کمشنر منتخب

قومی تعلیمی ادارہ انجمن حامئی مسلمین بھٹکل کے عام انتخابات اگلے سال 19 جنوری کو ہوں گے جس کے لئے آج سنیچر کو  ہوئی انتظامیہ میٹنگ میں  الیکشن کمشنر کا انتخاب عمل میں آیا ہے۔  اس بات کی تصدیق انجمن کے جنرل سکریٹری جناب صدیق اسماعیل نے کی ہے۔ انہوں نے بتایا کہ  آج کی میٹنگ میں ...

بھٹکلی جماعت المسلمین مینگلورو کا مستحسن اقدام : بنٹوال میں ہوئے سڑک حادثے میں شدید زخمیوں کی عیادت کرنے اور اُنہیں ہرممکن تعاون دینے جماعت کے وفد کا اسپتال دورہ

بھٹکلی  جماعت المسلمین مینگلور کے ایک وفد نے  مینگلور کے مختلف اسپتالوں کا دورہ کرتے ہو ئے  کل جمعہ کو سڑک حادثے میں ہوئے زخمی بھٹکلی لوگوں کی عیادت کی اور اُن کے رشتہ داروں سے بات چیت کرتے ہوئے جماعت کی جانب سے ہر ممکن تعاون کا یقین دلایا۔

انکولہ میونسپالٹی چیف آفیسر کو ڈی سی نے لیا آڑے ہاتھ۔ کہا؛ اگر تم ایماندار ہوتے تو کٹہرے میں کھڑے نہ ہوتے

انکولہ میونسپالٹی میں ڈھنگ سے کام نہ ہونے کی شکایت ملنے پر  اُترکنڑا کے ڈپٹی کمشنر  ڈاکٹر ہریش کمار انکولہ پہنچ کر  میونسپل چیف آفسر بی پرہلاد کو آڑے ہاتھوں لیا اور کہا کہ اگر تم  ایمانداری سے اپناکام انجام دے رہے ہوتے  تو اس طرح کٹہرے میں کھڑے ہونے کی نوبت نہ آتی ۔ ڈپٹی ...