سڑک پر گرنے والا بائک سوارہلاک ایمبولینس چڑھ جانے سے ہلاک
منگلورو22؍اکتوبر(ایس او نیوز) کوٹہ تعلقہ کے مانورکے قریب سڑک پر گرے ہوئے ایک بائک سوار پر ایمبولینس چڑھ گئی جس کی وجہ سے اس کی موت واقع ہوگئی۔
اس حادثے میں فوت ہونے والے شخص کا نام چنا تامبی(۲۶سال) بتایا جاتا ہے۔وہ تریکیرے کا رہنے والا تھا مگر فی الحال کنداپور میں مقیم تھا۔اور کاجو کے بیج کی فیکٹری میں استعمال ہونے والی مشینوں کو درست کرنے میں ماہر تھا۔اس کے علاوہ کھیتوں میں مزدوری بھی کیا کرتاتھا۔کہاجاتا ہے کہ چنا تامبی اپنا کام ختم کرکے گھر کی طرف آرہا تھا جب اس کی بائک ایک ٹرک سے ٹکرا گئی جس کے نتیجے وہ اچھل کرسڑک پر گر پڑا۔ بدقسمتی سے اسی وقت پیچھے سے ایک تیز رفتار ایمبولینس آگئی جو اس کے جسم پر چڑھ گئی ۔شدید زخمی حالت میں اسے کنداپور کے اسپتال لے جانے کی کوشش کی گئی مگر وہ راستے میں ہی دم توڑ گیا۔کوٹہ پولیس اسٹیشن میں کیس درج کرلیا گیا ہے۔