رکبر خان قتل کیس دہلی منتقل کرانے کی درخواست

Source: S.O. News Service | By Shahid Mukhtesar | Published on 10th September 2018, 11:12 PM | ملکی خبریں |

نئی دہلی،10؍ ستمبر (ایس او نیوز؍آئی این ایس انڈیا) راجستھان کے الور میں مبینہ گورکشکو ں کے ذریعہ رکبر خان کے قتل کے معاملے میں رکبر خان کے والد نے کیس کو دہلی ٹرانسفر کرنے کا مطالبہ کرتے ہوئے سپریم کورٹ میں عرضی دائر کی ہے۔ درخواست میں کہا گیا ہے کہ الوار میں ان کے مقدمے کا غیر جانبدارانہ ٹرائل نہیں ہو سکتا ہے۔ گذشتہ7 ستمبر کو بھیڑ کے ذریعہ تشدد کی روک تھام کے معاملہ پر سماعت کرتے ہوئے سپریم کورٹ نے تمام ریاستوں کو اس کی ہدایات کو نافذ کرنے کے لئے ایک ہفتہ کا مزید وقت دیا تھا۔ عدالت نے راجستھان کے الور میں مبینہ گورکشکوں کے ذریعہ رکبر کے قتل کے معاملہ میں ریاستی حکومت سے قصوروار حکام کے خلاف کی گئی کاروائی سے متعلق رپورٹ طلب کی تھی۔ سماعت کے دوران 9ریاستی حکومتوں اور 3مرکز کے زیر اہتمام خطوں نے سپریم کورٹ میں حلف نامہ دائر کیا تھا۔ عدالت نے باقی ریاستوں کو بھی ایک ہفتہ میں حلف نامہ دائر کرنے کا حکم دیا تھا۔ عدالت نے کہا تھا کہ ریاستی حکومتیں13ستمبر تک حکم پر عمل کریں نہیں تومتعلقہ ریاستوں کے چیف سکریٹریوں کو ہم طلب کریں گے۔ سپریم کورٹ نے تمام ریاستوں کو ہدایت دی ہے کہ وہ اپنی ویب سائٹ پر عدالت کے حکم پر عمل آوری کی رپورٹ اپ لوڈ کریں۔ گذشتہ 17جولائی کوسپریم کورٹ نے کہا تھا کہ کسی بھی شخص کو قانون اپنے ہاتھ میں لینے کی اجازت نہیں دی جا سکتی ہے۔ سپریم کورٹ نے پارلیمنٹ سے اپیل کی تھی کہ وہ بھیڑ کے ذریعہ کئے گئے قتل کے لئے قانون بنائیں۔ عدالت نے ملک بھر میں ہوئے ہجومی تشدد کی مذمت کی تھی۔ عدالت نے اپنا فیصلہ سناتے ہوئے کہا تھا کہ بدنظمی کی صورتحال میں ریاستی حکومتوں کوکام کرنا ہوگا۔ کسی بھی تشدد کی اجازت نہیں دی جاسکتی ہے۔ ریاستی حکومتوں کو بھیٹر سے نمٹنا ہوگا اور قانون پر عمل آوری کے لئے اقدامات کرنے ہوں گے۔ 

ایک نظر اس پر بھی

سپریم کورٹ کا فیصلہ؛ بینک اکاونٹ اور موبائل نمبر کیلئے آدھار کارڈ ضروری نہیں

 سپریم کورٹ نے بدھ کو مرکز کے اہم آدھار کارڈ  پروگرام اور اس سے وابستہ 2016 کے قانون کی آئینی حیثیت کو چیلنج کرنے والی کچھ عرضیوں پر اپنا فیصلہ سنادیا ۔ عدالت نے کہا کہ آدھار آئینی طور پر ویلڈ ہے ۔ س

سرکاری ملازمتوں میں جاری رہے گا پروموشن میں ریزرویشن ، سپریم کورٹ نے سنایا فیصلہ

سپریم کورٹ نے بدھ کو ایس سی ایس ٹی ملازمین کو پروموشن میں ریزوریشن کا فیصلہ سنایا ۔ عدالت نے کہا کہ سرکاری ملازمتوں میں پروموشن  مین ریزرویشن جاری رہے گا ۔ سپریم کورٹ نے کہا کہ فیصلہ پر از سر نو غور وخوض کرنے کی کوئی ضرورت نہیں ہے۔

راہل گاندھی کو وزیراعظم کے طورپرقبول کرنے میں دقت نہیں :دیوے گوڑا

آئندہ برس ہونے والے عام انتخابات میں کانگریس کی طرف سے پارٹی کے صدر راہل گاندھی کو غیربھارتیہ جنتا پارٹی (بی جے پی) اتحاد کا وزیراعظم کے عہدہ کا امیدوار پیش کئے جانے کے ایک دن بعد ہی پیر کو اس مہم کو اس وقت بڑی حمایت ملی جب سابق وزیراعظم ایچ ڈی دیو ے گوڑا نے کہاکہ اس میں ان کی ...

رافیل سودے میں ملک کو کیوں چونا لگایا گیا؟ پاکستان کی آڑ میں چھپنے کی بجائے مودی حکومت جواب دے:کانگریس

کانگریس نے رافیل طیارہ سودے میں مودی حکومت پر پاکستان کی آڑ میں چھپنے اور سچائی چھپانے کے لئے مسلسل جھوٹ بولنے کا الزام لگاتے ہوئے کہا ہے کہ اس معاملے میں اب گمراہ کرنے کی پالیسی نہیں چلے گی، اس لئے ملک کو اصلیت بتائی جانی چاہئے ۔