بھٹکل الویکوڑی میں دوروزہ جاترااتسوا منگل سے شروع: ہزاروں بھگتوں کی شرکت
بھٹکل:17/جنوری (ایس او نیوز) بھگوان پر وشواس رکھنے والوں کے لئے قوت کی دیو ی کے طورپر مشہور تعلقہ کے شرالی الویکوڑی میں شری درگاپرمیشوری مندر کے صحن میں تعمیر کردہ مسند پر منگل کی صبح ماری کامبا کی مورتی کو نصب کرتے ہوئے دو روزہ ماری جاترا شروع کیا گیا ۔ اس موقع پر مندر کے اعلیٰ پجاری گوردھن پرانیک اور پجاریوں کی قیادت میں پوجا پاٹ کئے گئے۔ چتراپور مٹھ کے سوامی جی نے مذہبی بیان دیا۔ سمیتی کے صدر راما موگیر ، مندر انتظامیہ کے صدر نارائن دئیمنے ، بلیا نائک اور مختلف طبقات کے لیڈران اس موقع پر موجود تھے۔ ہزاروں بھگتوں نے بھی دیوی کی پوجاکی۔ اتسوا کے لئے 700سے زائد خود کار خدمت گاروں کو تعینات کیا گیا ہے تو محکمہ پولس کی طرف سے بھی مناسب انتظامات کئے گئے ہیں۔