بھٹکل یکم فروری (ایس او نیوز)  طالبات کو امتحانی خوف سے باہر نکالنے اور اُن میں امتحانات لکھنے کے متعلق عزم و حوصلہ پیداکرنے  کے تعلق سے گذشتہ روز انجمن پی یو کالج فور ویمن بھٹکل میں  امتحانات کی تیاری  کے متعلق ابتدائیہ تجاویز  یعنی الفا ٹپس فراہم کرنے ایک جلسہ کا اہتمام کیا گیا جس میں  کمپوٹر سائنس  لکچرر محترمہ  نورِ اسحد محتشم نے   طالبات کے لیے مستقبل میں پیش آنے والے امتحانات کے متعلق اپنے منفرد اور جا مع انداز میں ہدا یات پیش کیں ۔انہوں نے طالبات سے مخاطب ہوتے ہوئے   کہا  کہ کامرانی کا انحصار محض کا میا بی پر نہیں ہوتا ۔کا مرانی ، ناکا میوں ، ما یوسی ، صبر ، ثا بت قدمی اور متوقع سمت کی جا نب بڑھنے سے حا صل ہوتی ہے۔ کہتے ہیں کہ جتنی سخت آزما ئش ہوگی، صلہ بھی اتنا ہی عظیم ملتا ہے۔ انہوں نے اپنی روشن ہدا یات سے  طا لبا ت کے اذہان منور کئے۔اور بے حد متا ثر کن انداز میں امتحان سے قبل اور دورانِ امتحان درپیش مسا ئل کا تذکرہ کیا ۔

انہوں نے کہا  کہ پی یو سی سا لِ دوم کے سالانہ امتحا نات یکم مارچ ۲۰۱۸سے شروع ہوکر ۱۷ مارچ کو  ختم ہوں  گے۔ آپ کے پاس فی الحال کل ۲۹ دن با قی ہیں۔ ان قیمتی اوقات میں آپ لوگوں کو انتھک کو شش کرنی ہے۔ خوب من لگا کر پڑھنا ہے۔ اور اپنے اپنے مضا مین کے اسباق کا اعادہ کرنا ہے۔ کیونکہ آپ نے جو بھی پڑھا ہے،وہ آپ کی یادداشت کا بہترین اثاثہ ہے۔ انہوں نے  اعادہ کئے ہوئے اسبا ق پر نظر ثا نی کی مؤثر تجا ویز بھی پیش کیں اور کہا   کہ دورانِ مطا لعہ منا سب نشست کا دھیان رکھیں۔ تاکہ جسمانی تکلیف سے بچ سکیں۔ِ امتحانات کے دنوں میں وقت پر کھانے، و قت پر سونے اور جلد اٹھنے پا بندئ نماز کی تا کید کی۔ امتحان گاہ میں وقت سے آدھا گھنٹاپہلے پہنچنے ،ہال ٹکٹ کو ہمیشہ اپنے ہمراہ رکھنے ،پندرہ منٹ قبل سوا لیہ پرچے کو اچھی طرح سمجھنے ، رجسٹر نمبر کا اندراج کرنے ،جوابات کے اہم نکات لکھنے ، املا و خوشخطی کا خا ص خیا ل رکھنے اور پرچہ مضبوط با ندھنے کی تا کید کرتے ہوئے امتحان گاہ میں C.C.T.V ہونے کے  متعلق بھی جانکاری دیتے ہوئے نظم و ضبط کے اہتمام کا حکم دیا۔ 

جلسہ ۳۰ جنوری بروز منگل، انجمن پی یو کالج فار ویمن بھٹکل کے بی بی خیرالنسا قا ضیا حسن با پا ہال میں صبح سا ڑھے دس بجے پرنسپل محترمہ ڈا کٹر فرزانہ محتشم کی زیرِ نگرانی منعقد ہوا تھا۔جلسہ کابا قا عدہ آغاز آرٹس سا لِ اول کی طا لبات نوفہ حبیب اللہ کی قرأت اور صباح عبد اللہ ادیاورکے ترجمے سے ہوا۔ نعت خوانی کا شرف کامرس سالِ اول کی طا لبہ نسیرہ عبدالرحمن طا لب کو حا صل ہوا۔جلسہ میں ارا کینِ مشا ورتی کمیٹی محترمہ سیما قا سمجی ، محترمہ صا دقہ قا ضیااور محترمہ ثمینہ سعدا موجود تھیں۔

اس موقع پر اخبار نویسوں سے گفتگو کرتے ہوئے پرنسپل محترمہ ڈاکٹر فرزانہ محتشم نے بتایا کہ ماہِ دسمبر اور جنوری میں دو پری پیر یٹری امتحانات منعقد کئے گئے تھے۔ہماری کوشش تھی کہ طا لبات کو مصروفِ عمل رکھ کر اُن  کی ذہنی صلا حیت کامحا سبہ کیا جا سکے،اور بہترین نتا ئج حا صل کئے جا سکیں ۔ الحمد للہ  ہماری  یہ کوشش بارور ہوئیں۔ اور دوسرے پری پیر یٹری امتحان میں  بہترین نتا ئج حا صل ہوئے۔ ان طبا ع طالبات کو جنہوں نے خا طر خواہ کا میابی حا صل کی تھی، انہیں اراکینِ مشاورتی کمیٹی کے دستِ مبارک سے انعامات سے نوازا گیا۔جن میں نمرہ تکریم انور سلیم حبیب ، عفیرہ صنوبر عبد القا درجیلانی   کا مرس سالِ دوم سے، سراج النسا ء محمد فہیم آفریقہ سائنس سالِ دوم ، ہاجرہ انجم محمد غزالی ، نا فیہ ایس جے آرٹس سا لِ دوم سے تھیں۔