پولیس حراست میں بھیجا گیامشتبہ القاعدہ دہشت گرد
نئی دہلی،18؍ستمبر(ایس او نیوز؍آئی این ایس انڈیا)وسطی دہلی سے گرفتار ہونے والے القاعدہ کے ایک مشتبہ عسکریت پسندکو 30 ستمبر تک پولیس حراست میں بھیج دیا گیا ہے۔ 27سالہ شممان الحق کواضافی سیشن جج سدھرمھ شرما کے سامنے پیش کیا گیا۔ عدالت نے شمیم الحق کودلی پولیس کے خصوصی سیل کی حراست میں بھیجا ہے۔ تحقیقاتی ایجنسی نے حراست میں تحقیقات کرنے کی اجازت طلب کی تھی۔ حق کواتوار کو وکاس مارگ کے قریب گرفتار کیا گیا تھا۔پولیس نے عدالت کو بتایا کہ دیگر ملزمین کو پکڑنے اور کیس میں ملے ثبوت سے حق کا سامنا کرنے کی ضرورت ہے۔ گزشتہ ماہ بھی، اس دہشتگرد تنظیم کے سلسلے میں دو افراد کو گرفتار کیا گیا تھا۔