’’بھارت بند‘‘مودی حکومت کی عوام مخالف پالیسیوں کا پردہ فاش کرے گا: راج ببر

Source: S.O. News Service | By Shahid Mukhtesar | Published on 10th September 2018, 11:42 AM | ملکی خبریں | ان خبروں کو پڑھنا مت بھولئے |

لکھنوء،10ستمبر(یو این آئی) اترپردیش کانگریس کے صدر راج ببر نے دعوی کیا ہے کہ پٹرولیم مصنوعات کی قیمتوں میں بے تحاشہ اضافے کی مخالفت میں پیر کو ہونے والا احتجاج'' بھارت بند'' مرکز کی نریندر مودی حکومت کی عوام مخالف پالیسوں سے پردہ اٹھائے گا۔

مسٹر ببر نے اتوار کو پارٹی کے ریاستی دفتر میں منعقد ایک پریس کانفرنس میں کہا کہ بند کو کامیاب بنانے کے لئے تاجروں کی تنظیمیں اور ٹرانسپورٹروں سمیت دیگر بااثر طبقوں نے بھی اپنی حمایت دینے کا بھروسہ دیا ہے ۔ پارٹی کی ضلع اور شہر اکائی سے بند کو پر امن طریقے سے کرنے کو کہا گیا ہے انہوں نے کہا کہ سیوادل، مہیلا اور یوا کانگریس، این ایس یو آئی کے کارکنوں کو بند کو کامیاب بنانے کے لئے اقدام کرنے کو کہا ہے ۔ہر ایک ضلع میں ایک سینئر رہنما بطور سپروائزر موجود رہے گا جو بند کو منظم کرنے کاکام کریگا،تاجر، محنت کش، طالب علم اور کسانوں کی شراکت داری بند کو کامیاب بنانے میں اہم ہوگی۔

ریاستی صدر نے کہا کہ مرکز کی غلط معاشی پالیسیوں کی وجہ سے ملک کی عوام مہنگائی کے بوجھ تلے دبے ہوئے ہیں۔پٹرول،ڈیزل کی بڑھتی قیمتوں نے بڑھتی مہنگائی پر آگ میں تیل ڈالنے کا کام کیا ہے ۔بی جے پی کو اپنی اس منمانی کا خمیازہ اٹھانا پڑیگا، عوام اب مزید برداشت کرنے کے موڑ میں نہیں ہیں ۔ ببر نے کہا کہ سماج وادی پارٹی(ایس پی) اور بہوجن سماج پارٹی(بی ایس پی) سمیت دیگر اپوزیشن پارٹیاں بھی کانگریس کو اس تحریک میں حمایت دے رہی ہیں ۔حکومت کے تاناشاہی رویہ سے عام شہری بری طرح سے پریشان ہے ،کانگریس پرامن تحریک میں ہی یقین رکھتی ہے اور اس بند سے بی جے پی حکومت کی الٹی گنتی شروع ہو جائے گی۔

دوسری جانب ملک کے تمام لوگوں سے کل ہونے والے بھارت بند کو کامیاب بنانے کی اپیل کرتے ہوئے دہلی کانگریس کمیٹی کے سکریٹری اور سپریم کورٹ کے وکیل سرفراز احمد صدیقی نے کہا کہ ملک کے عوام اب اگر پیٹرول کی بڑھتی قیمت اور مہنگائی کے خلاف سڑکوں پر نہیں اترے تو ان کے استحصال کا سلسلہ کبھی بند نہیں ہوگا۔انہوں نے کہاکہ ملک کے عوام مہنگائی اور پیٹرول کی قیمت کی وجہ سے پریشان ہیں ، کسان ڈیزل کی آسمان چھوتی قیمتوں کے سبب اپنی کھیتی نہیں کرپارہے ہیں، ملک میں چھوٹی صنعت تباہ ہوگئی ہے ، سب سے زیادہ روزگار دینے والا غیر منظم سیکٹر کی حالت دگرگوں ہیں، تعمیراتی سیکٹر پہلے ہی تباہ ہوچکا ہے جس کی وجہ سے پورے ملک میں عوام تمام اشیاء آسمان چھوتی قیمتوں کی وجہ سے کراہ رہے ہیں اور حکومت اس سمت میں کوئی قدم اٹھانے کو تیار نہیں ہے ۔مسٹر صدیقی نے الزام لگایا کہ اس کے برعکس حکومت سرمایہ داروں کی جیب بھر رہی ہے اور بینکوں کو منمانے طریقے سے لوگوں کے اکاؤنٹ سے پیسے کاٹنے کا اختیار دے دیا ہے ۔ انہوں نے کہا کہ عوام مخالف پالیسیوں کے خلاف کانگریس کمیٹی نے ملک گیر سطح پر بھارت بند کرنے کا اعلان کیا ہے ۔

انہوں نے کہاکہ کانگریس کے سینئر رہنماؤں کے اجلاس میں یہ فیصلہ کیا گیا تھا کہ تمام اپوزیشن جماعتوں کے ساتھ مل کر پیٹرول اور ڈیزل کی بڑھتی ہوئی قیمتوں پر حکومت کی گھیرابندی کی جائے گی اور 10 ستمبر کو بھارت بند صبح نو بجے سے سہ پہر تین بجے تک ہوگی تاکہ عام لوگوں کو کسی طرح کی پریشانی کا سامنا نہ کرنا پڑے ۔انہوں نے تمام سماجی تنظیموں اور سیاسی پارٹیوں سے اپیل کی کہ وہ بھارت بند کو کامیاب بنانے کی بھرپور کوشش کریں کیوں کہ حکومت کی پالیسی کے خلاف اپنی ناراضگی ظاہر کرنے کا سب سے اچھا موقع ہے ۔ انہوں نے کہاکہ لگاتار پیٹرول کی قیمتیں آسمان چھورہی ہیں اور اس کی قیمت 80روپے کے پار جاپہنچی ہے اور ڈیزل نے بھی تمام ریکارڈ کو توڑ دیا ہے ۔کانگریس کے رہنما ایڈوکیٹ سرفراز احمد صدیقی نے کہا کہ نوٹ کی منسوخی ا ور غلط طریقے سے نافذ کئے گئے اشیاء اور سروس ٹیکس (جی ایس ٹی)کی وجہ سے کاروبار ٹھپ ہوگیا ، جس کے نام پر نوٹ کی منسوخی کی گئی تھی ان میں سے ایک بھی پورا نہیں ہوا اور کچھ ہزار کروڑ روپے کو چھوڑ کر سارا پیسہ واپس آگیا ہے ۔ انہوں نے الزام لگایا کہ یہ نوٹ کی منسوخی بی جے پی لیڈروں کے کالادھن کو سفید کرنے کا ذریعہ بنی۔

ایک نظر اس پر بھی

پاکستان سے کرکٹ میچ نہ کھیلنا ہتھیار ڈالنے سے زیادہ برا ہوگا: ششی تھرور

کرکٹ ورلڈ کپ میں ہندستانی کرکٹ ٹیم کے پاکستان کے ساتھ میچ نہیں کھیلنے کے چہار سو مطالبہ کے درمیان کانگریس لیڈر ششی تھرور نے متنازعہ بیان دیتے ہوئے کہا ہے کہ پاکستان کے خلاف میچ نہیں کھیلنا ہتھیار ڈالنے سے بھی بدتر ہوگا اور یہ بغیر لڑے ہی ہارنے جیسا ہوگا۔

کشمیر میں حالات کشیدہ، 100 اضافی کمپنیاں روانہ، لوگوں میں خوف و ہراس

   وادی کشمیر میں انتظامیہ نے علیحدگی پسند اور مذہبی جماعتوں بالخصوص جماعت اسلامی کے لیڈران کے خلاف وسیع پیمانے پر کریک ڈاﺅن شروع کردیا ہے۔ اس کے علاوہ مرکزی حکومت نے ہنگامی بنیادوں پر مرکزی نیم فوجی دستوں کی 100 اضافی کمپنیاں کشمیر روانہ کرنے کے احکامات جاری کردئیے ہیں۔ ...

دیگر جماعتوں کی طرح ٹی آر ایس نے بھی خواتین کو مساوی مقام نہیں دیا،کابینہ میں خواتین کی نمائندگی کیلئے کے سی آر پر اثر انداز نہیں ہوسکتی۔ رکن پارلیمنٹ کے کویتا کا بیان

چیف منسٹر کے چندر شیکھر راو کی جانب سے کابینہ میں ایک خاتون رکن کو شامل نہ کرنے پر تنقیدوں کے دوران ان کی دختر و ٹی آر ایس رکن پارلیمنٹ کے کویتا نے آج کہا کہ وہ بھی خاتون رکن کو کابینہ میں شامل کرنے کیلئے اپنے والد پر اثر انداز نہیں ہوسکتیں۔

شہیدوں کے گھر ’درد کے دریا کا سیلاب‘ تھا اور مودی دریا میں شوٹنگ کر رہے تھے: راہل گاندھی

کانگریس صدر راہل گاندھی نے پلوامہ دہشت گردانہ حملے والے دن وزیر اعظم نریندر مودی کے ایک چینل کے لئے فلم کی شوٹنگ کرنے سے متعلق خبروں کو لے کر جمعہ کو ان پر حملہ بولا اور الزام لگایا کہ جب شہیدوں کے گھر دردکے دریا کا سیلاب تھا تو پرائم ٹائم منسٹر 'ہنستے ہوئے دریا میں شوٹنگ کر رہے ...

عظیم اتحادملک کے لیے اچھانہیں،اپوزیشن کے پاس کوئی نظریہ اورکوئی لیڈرنہیں ہے، امت شاہ کوپھرمہاگٹھ بندھن سے شکایت،کانگریس اورلیفٹ کونشانہ بنایا

جھک کرلوجپا،شیوسینا،جدیواورڈی ایم کے کے ساتھ اتحادکرنے والی بی جے پی صدر امت شاہ نے جمعہ کو اپوزیشن پارٹیوں کے مجوزہ مہاگٹھ بندھن پر حملہ کرتے ہوئے کہا کہ یہ ملک کے لیے اچھا نہیں ہے۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔

24جولائی سے پہلے فاریسٹ اتی کرم داروں کو نکال باہر کرنے سپریم کورٹ کا آرڈر : ریاستی حکومت پر ضلع اتی کرم داروں کی امید بھری نگاہ

فاریسٹ حق قانون کے تحت فاریسٹ مکینوں کے طورپر اپنا حق جتانے کے بعد انکار کئے گئے فاریسٹ مکینوں کو  ایک ساتھ تمام کو نکال باہرکرنے سپریم کورٹ تین رکنی بنچ نے 13فروری کو فیصلہ صادر کیا ہے۔ سپریم کورٹ کا فیصلہ فاریسٹ مکینوں  (اتی کرم دار )پر بجلی بن کر گراہے ، فاریسٹ افسران کو اتی ...