کانگریس نے کہا؛ نوٹ بندی کے سارے مقاصدناکام ،مودی سے 8 نومبرکوعوام سے معافی مانگنے کا مطالبہ، کہا، آربی آئی کے ساتھ ٹکراؤبھی نوٹ بندی کانتیجہ

Source: S.O. News Service | By Staff Correspondent | Published on 7th November 2018, 8:13 PM | ملکی خبریں |

نئی دہلی7نومبر(آئی این ایس انڈیا؍ایس او نیوز) کانگریس نے وزیراعظم نریندر مودی پرملک کی معیشت کو تباہ کرنے کا الزام لگاتے ہوئے منگل کو کہاکہ نوٹ بندی کے دوسال پورے ہونے کے موقع پر انھیں عوام سے معافی مانگنی چاہیے۔کانگریس ترجمان منیش تیواری نے منگل کو پارٹی ہیڈکوارٹر میں ایک پریس کانفرنس میں کہاکہ دوسال قبل مسٹر مودی نے 8نومبر کو اچانک نوٹ بندی کا اعلان کرکے عام لوگوں کو انتہائی مشکل میں ڈال دیاتھا جس کی وجہ سے کئی لوگوں کی موت ہوئی تھی۔انھوں نے کہاکہ اس کے لیے وزیراعظم کو 8نومبر کو ٹھیک 8بجے ملک کے عوام سے معافی مانگنی چاہیے۔

انھوں نے کہاکہ کانگریس کے کارکنان نوٹ بندی کے دوسال مکمل ہونے کے موقع پر9نومبر کو ملک بھر میں مظاہرے کریں گے۔انھوں نے کہاکہ 500اور 1000روپئے کے نوٹ بند کرنے کے پیچھے جن مقاصد کے حصول کا دعویٰ کیاگیاتھا ،وہ پوری طرح سے ناکام ہوگیا۔اس کے لیے مسٹر مودی کو 8نومبرکو ملک سے اپنے تغلقی فرمان کے لیے معافی مانگنی چاہیے۔کانگریسی لیڈر نے کہاکہ ریزروبینک آف انڈیا اور حکومت کے درمیان موجودہ ٹکراؤنوٹ بندی کا ہی نتیجہ ہے۔حکومت نے نوٹ بندی کے تین مقاصد کالادھن اورنقلی کرنسی کے خاتمہ اور دہشت گردی کی مالی اعانت ختم کرنے کا اعلان کیاتھا۔لیکن ان میں سے ایک بھی مقصدپورانہیں ہوسکاہے۔

ایک نظر اس پر بھی

مالیگاؤں 2008ء بم دھماکہ معاملہ، بم دھماکوں میں زخمی ہونے والے دو افراد نے گواہی دی، دفاعی وکلاء عدالت سے غیر حاضر ، جرح اگلے ہفتہ متوقع

مالیگاؤں ۲۰۰۸ء بم دھماکہ معاملے میں سماعت روز بہ روز جاری ہے ، آج اس معاملے میں بم دھماکوں میں زخمی ہونے والے دو افراد کی گواہی عمل میں آئی

مثبت فکر اورتوانائی سے ملک کی ترقی ہوتی ہے:ارون جیٹلی 

مودی حکومت کے ناقدین کو بات بات پر احتجاج کرنے والا بتاتے ہوئے وزیر خزانہ ارون جیٹلی نے جمعرات کو ان پر جھوٹ گھڑنے اور ایک منتخب حکومت کو کمزور کرکے جمہوریت کو برباد کرنے کا الزام لگایا۔ طبی معائنہ کے لیے امریکہ دورہ پر گئے ارون جیٹلی نے ایک فیس بک پوسٹ میں کہا کہ اظہار رائے کی ...

عد لیہ نے مہاراشٹر میں ڈانس بار پر پابندی لگانے والی کئی تجاویزمستردکیں 

سپریم کورٹ نے مہاراشٹر میں ڈانس بار کے لئے لائسنس اور اس کاروبار پر پابندی لگانے والے کچھ تجاویز جمعرات کومنسوخ کردیئے۔ جسٹس اے کے سیکری کی صدارت والے بنچ نے مہاراشٹر کے ہوٹل، ریستوران اور بار ہاؤس میں فحش رقص پر پابندی اورعورتوں کے وقار کی حفاظت سے متعلق قانون 2016 کے کچھ دفعات ...