بھٹکل انجمن ڈگری کالج اور اردو اکیڈمی بنگلورو کے اشتراک سے شاندار کل ہند مشاعرے کا انعقاد :سنجیدہ اور فکری کلام کی داد تحسین

Source: S.O. News Service | By Abu Aisha | Published on 12th February 2018, 10:20 PM | ساحلی خبریں |

بھٹکل:12/ فروری (ایس اؤنیوز)انجمن آرٹس، سائنس اینڈکامرس کالج اینڈ پی جی سنٹر کے زیرا ہتمام اور کرناٹک اردو اکیڈمی بنگلورو کے اشتراک سے 11فروری بروز اتوار کی شب 30-09بجے انجمن اینگلو اردو ہائی اسکول گراؤنڈ میں شاندار’’کل ہند مشاعرہ ‘‘کا افتتاح اپنے وقت کے مشہور قاری ،گلبرگہ یونیورسٹی کے موظف پروفیسر ڈاکٹر عبدالحمید اکبر کی حلاوت و شرینی سے پُر تلاوتِ قرآن مجید سے ہوا۔

بی کام کے متعلم حسن ابن مولانا عبدالعظیم قاضیا ندوی نے ہدیہ نعت پیش کی تو پی یو سی کے طالب علم حسین ابن مولانا عبدالعظیم قاضیا ندوی نے بہترین انداز میں علامہ اقبال کی غزل پیش کی۔ سمینار و مشاعرہ کے کوآرڈینیٹر پروفیسر عبدالرؤوف سونور نے افتتاحی کلمات پیش کرتےہوئے تمام کا استقبال کیا۔ اس کے بعدبنگلورو سے تشریف فرما مشہور ومعروف شاعر ریاض احمد خمارؔ کی نظامت میں باقاعدہ شعر وشاعری کے دورکا آغاز ہوا۔

بھٹکل کے ابھرتے ہوئے شاعر عفان بافقی نے ابتداء میں ہی اپنے کلام سے مشاعرے کا سماں باندھا توعوامی سطح پر نومتعارف سنجیدہ شاعر ابن حسنؔ بھٹکلی نے معیاری و فکری کلام پیش کرتےہوئے سامعین کے دلوں میں اترکر بھرپور داد تحسین حاصل کی۔ بنگلورو سے تشریف لائے عمران اسلم بنارسی ؔ نے حالاتِ حاضرہ پر اپنے قطعات کے ذریعے بہترین تبصرہ پیش کیا اور’’میرے ابو،محبت زمین و آسمان لانا ‘‘نظم پیش کرتے ہوئے حاضرین کے سامنے ملک کی موجودہ صورت حال کو واضح کیا۔ شہر بھٹکل کے بزرگ شاعر اقبالؔ سعیدی نے اپنافکری کلام پیش کیا۔ ان کے بعد ملکی سطح کے مشاعروں میں اپنی شناخت بنانے والے بھٹکل سید سالک ؔبرماور ندوی نے پرسوز ترنم میں معنی خیز کلام پیش کیا۔بھدراوتی کے مسرت پاشا راہی ؔ نے اپنے قطعات و غزل کے علاوہ روہنگیا کے مسلمانوں پر بیتی ظلم و ستم کی داستان کو ’’یقیں نہیں تھا ‘‘کے عنوان پر آزاد نظم پیش کی۔ ممبئی کے کلیم ضیاءؔ نےاپنی شاعری کے ذریعے نئے زاویوں پر روشنی ڈالی۔ شہر بھٹکل کے کہنہ مشق و بزرگ شاعر سید اشرف برماور نے اپنے قطعات و غزل کے ذریعے فکری کلام پیش کیا۔ اس کے بعد ممبئی کے سراج شولاپوری نے طنزیہ و مزاحیہ کلام پیش کیا۔

ناظم مشاعرہ ریاض احمد خمارؔ نے منتخب اشعار، قطعات ،برجستہ و برمحل مختصر جملوں سےبہترین اور خوبصورت انداز میں مشاعرے کی نظامت انجام دیتےہوئے مشاعرے کی کامیابی میں اہم رول اداکیا۔ اور اپنے فکری و بامعنی کلام سے سامعین کو محظوظ کیا۔ گلبرگہ کے ڈاکٹر عبدالحمید اکبر نے مشاعرے کی صدارت کرتے ہوئے ہرایک شاعر کی خوبیوں کا ذکر کرتے ہوئے شاعری کے نکات بیان کئے اور اپنے کلام کو پرترنم آواز میں پیش کیا۔پروفیسر عبدالرؤوف سونور نے شکریہ اداکیا۔ مشاعرے کی مسند پر شعراء کے علاوہ پٹنہ یونیورسٹی کے صدر شعبہ اردو ڈاکٹر سید جاوید حیات ، انجمن حامئی مسلمین بھٹکل کے جنرل سکریٹری صدیق اسماعیل، کالج بورڈ سکریٹری جاوید حسین آرماراور کالج پرنسپال پروفیسر مشتاق احمد شیخ موجود تھے۔ تمام شعراء کی خدمت میں انجمن کالج کی طرف سے میمونٹو پیش کیاگیا۔

ایک نظر اس پر بھی

محکمہ جنگلات کی جانب سے ہونے والی ہراسانیوں کے خلاف 23فروری کو سرسی میں ہوگا سی سی ایف دفتر کا محاصرہ

جنگلاتی زمین پر رہائش پزیر افراد کے لئے حقوق فراہم کرنے والے قوانین کی خلاف ورزی کرنے اور بار بار جنگلاتی زمین پر مکانات یا باغاغبانی کرکے زندگی گزارنے والوں پر محکمہ جنگلات کے افسران کی ہراسانی کے خلاف 23فروری کو سرسی میں واقع چیف کنزرویٹر آف فاریسٹ (سی سی ایف) دفتر کا محاصرہ ...

منگلورو سٹی مال کے فوڈ شاپ میں معمولی آتشزدگی؛ فوری طور پر پایا گیا آگ پر قابو؛ معمولی نقصان

منگلورو سٹی مال کی ایک فوڈ شاپ میں آگ لگنے پر تھوڑی دیر کے لئے افراتفری کا ماحول پیدا ہوگیا۔ مگرپانڈیشور علاقے سے فائر بریگیڈ کے افسران نے موقع پر پہنچ کر جلد ہی آگ پر قابو پالیا ۔

مینگلور اور اُڈپی میں پولس افسران کے تبادلے؛ نیشا جیمس اب اُڈپی کی نئی ایس پی اور سندیپ پاٹل مینگلور کے نئے پولس کمشنر

پارلیمانی انتخابات کو لے کر ریاستی حکومت کی جانب سے بڑے پیمانے پر اعلیٰ آفسران کے تبادلے جاری ہیں، اسی مناسبت سے اب اُڈپی اور مینگلور میں اعلیٰ آفسران کے تبادلے کئے گئے ہیں۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔