حوثیوں کو جنیوا جانے کے لیے طیارہ دیا مگر انھوں نے انکار کردیا: عرب اتحاد

Source: S.O. News Service | By Shahid Mukhtesar | Published on 8th September 2018, 12:31 PM | عالمی خبریں |

صنعاء8ستمبر ( ایس او نیوز؍آئی این ایس انڈیا ) یمن میں قانونی حکومت کی عمل داری کے قیام کے لیے کوشاں عرب اتحاد نے کہا ہے کہ اس نے حوثی ملیشیا کو سوئٹزر لینڈ کے شہر جنیوا میں امن مذاکرات میں شرکت کے لیے جانے کی غرض سے ایک طیارہ مہیا کیا تھا مگر انھوں نے اس پیش کش کو مسترد کردیا ہے۔

یمنی ذرائع نے بتایا ہےکہ سول ایوی ایشن اتھارٹی نےحوثیوں کے اس طیارے کی صنعاء کے ہوائی اڈے سے پرواز کے لیے اجازت نامہ بھی جاری کردیا تھا ۔انھوں نے ایران کے حمایت یافتہ حوثیوں کے اس دعوے کو مسترد کردیا ہے جس میں انھوں نے کہا تھا کہ انھیں صنعاء سے جنیوا پرواز کے لیے طیارہ مہیا نہیں کیا گیا جس کی وجہ سے ان کی روانگی میں تاخیر ہوئی ہے۔

یمنی ذرائع نے اس بات کی بھی تصدیق کی ہے کہ حوثی وفد اقوام متحدہ کے زیر اہتمام جنیوا میں ہونے والے مذاکرات کو ناکام بنانے کے لیے مبہم وضاحتیں پیش کررہا ہے۔

اقوام متحدہ کے خصوصی ایلچی برائے یمن مارٹن گریفتھس کے ترجمان نے بدھ کو ایک بیان میں کہا تھا کہ سوئس شہر میں جمعہ کو تنازع کے فریقوں کے درمیان مذاکرات شروع ہوں گے۔ البتہ خود مارٹن گریفتھس نے کہا تھا کہ یہ مذاکرات کچھ وقت کے لیے تاخیر کاشکار ہوسکتے ہیں لیکن یہ ہوں گے ضرور۔

تاہم عرب اتحادی افواج کے ترجمان کرنل ترکی المالکی نے کہا ہے کہ حوثی جنیوا مذاکرات میں شرکت میں سنجیدہ ہیں اور نہ وہ اس معاملے کو سنجیدگی سے لے رہے ہیں۔ انھوں نے کہا کہ عرب اتحاد یمن میں جاری بحران کے سیاسی حل کے لیے ہر طرح کی امداد مہیا کرنے کو تیار ہے۔

دریں اثناء یہ بھی اطلاع سامنے آئی ہے کہ یمنی حکومت نے حوثی وفد کو جنیوا میں مذاکرات میں شرکت کے لیے 24 گھنٹے میں صنعاء سے سفر پر روانہ ہونے کا وقت دیا ہے۔

ایک نظر اس پر بھی

نوازشریف کو کچھ ہوا تو عمران ذمہ دار ہوں گے :شہباز

پنجاب اسمبلی میں قائد حزب اختلاف حمزہ شہباز نے کہا ہے کہ حکومت نواز شریف کی صحت سے متعلق بے حسی کا مظاہرہ کر رہی ہے اوراہل خانہ کو انکی صحت سے متعلق کچھ آگاہ نہیں کیا جا رہا، نواز شریف کو کچھ ہوا تو ذمہ دار وزیراعظم ہوں گے،نیازی صاحب نے وعدہ کیا تھا کہ ہم نئے صوبہ بنائیں گے، ...

وینزویلا:حکومت کے حامی اور مخالفین سڑکوں پر

وینزویلا کے دارالحکومت کارکاس میں حکومت کے حامی اور مخالفین سڑکوں پر نکل آئے۔ایک طرف صدر مادورو کی اپیل پر ہاتھوں میں وینزویلا کے پرچم لئے مظاہرین سڑکوں پر تھے تو دوسری طرف حزب اختلاف کے لیڈر ہوان گوآئیڈو کے حامی۔مادورو کے حامی شاویز کے انقلابِ بولیوار کی 20 ویں سالانہ یاد کے ...

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...