بھٹکل الفلاح یوتھ سروس آرگنائزیشن کے زیراہتمام سیرت النبی ؐاور مسلم سائنسدان پر کوئز مقابلہ کا انعقاد
بھٹکل:31/ جنوری (ایس اؤنیوز)الفلاح یوتھ سروس آرگنائزیشن بھٹکل کے زیر اہتمام بھٹکل ، مرڈیشور اور منکی اسپورٹس سنٹروں کے مابین ’’سیرت النبی ﷺ اور مسلم سائنس دان‘‘کے موضوع پر 2روزہ اوپن اسلامک کوئز مسابقہ 1اور2فروری 2018بروز جمعرات و جمعہ کو ہاؤسنگ کالونی کے ایچ بی میدان میں انعقاد کئےجانےکی منتظمین کی طرف سے جاری پریس ریلیز میں جانکاری دی گئی ہے ۔
الفلاح یوتھ سروس آرگنائزیشن کے سرپرست اور جامعہ اسلامیہ بھٹکل کے مہتمم مولانا مقبول احمد کوبٹے ندوی کی سرپرستی میں منعقد ہونے والے مسابقہ میں اے جے اکیڈمی کے ڈائرکٹراور نیوکلئیر فزکس کے ماہر پروفیسر محمد عبداللہ جاوید،مولانا ابوالحسن علی ندوی اکیڈمی کے جنرل سکریٹری مولانا محمد الیاس جاکٹی ندوی ، مرکزی خلیفہ جماعت المسلمین بھٹکل کے چیف قاضی مولانا خواجہ معین الدین اکرمی ندوی مدنی مختلف نشستوں میں مہمان خصوصی ہونگے۔
دوروزہ چلنے والے مسابقہ کو چار نشستوں میں تقسیم کیا گیا ہے۔ پہلی نشست یکم فروری بروز جمعرات کی شام 5بجے اور دوسری نشست 45-08سے شروع ہوگی۔ جب کہ تیسری نشست کا آغاز 2فروری بروزجمعہ شام 5بجے ہوگا تو آخری نشست اور انعامی تقریب کا اہتمام 45-08کو ہوگا۔